Sisimiuni tilluunnermik unammisitsisoqalerpoq
Sisimiuni Tilluuttartut pisussani aaqqissuisuupput.
Nuummi Qaqortumilu tilluunnermik unamminerni siusinnerusukkut aaqqissuussisoqatareerpoq, Sisimiunilu tilluuttartut sungiusaasuata, Otto Kielsenip Sisimiuni tilluunnermik unammisitsisoqarnissaanik aaqqissuussinissamik kissaateqartarsimalluni Aviiseeqqamut Sivdlek-mut oqaluttuaraa.
Danmarkimit tilluunnermi aqutsisoq peqataassaaq, oqimaassutsillu naapertorlugit unammisitsisoqassalluni.
- Inuttaasut Timersortarfimmut novembarip tallimaani unnukkut arfineq-marlunut qiteqquppat neriuppugut isiginnaariarluarumaartut, Otto Kielsen oqarpoq.