Innaallagissamut, imermut kiassarnermullu akigititat allanngortut
Januarip aallaqqaataaniit atuutilersumik kiassarnermut akigitinneqartoq appartinneqassaaq, kiisalu innaallagissamut imermullu akigitinneqartut qaffassallutik.
- Allannguutini uuliap akiata ineriartornera, akit aningaasarsiallu nalinginnaasumik ineriartornerat kiisalu Nukissiorfiit ataatsimoortumik aningaasaqarnerannut ersiutaapput, tamatumunnga ilanngullugu ingerlatsinermut tapiissutit ikiliartortinneqarnerata ingerlanneqarnera, ingerlatseqatigiiffik tusagassiuutinut nalunaarummi allappoq.
Ungasianit kiassaanermut akigitinneqartoq MWh-mut DKK 20-nik appassaaq MWh-imut DKK 770-inngorluni, kiisalu kiassaanermut qaminneqarsinnaasumut akigitinneqartoq MWh-imut DKK 10-nik appassaaq DKK MWh-imut 710-nngorlunit.
Taamatuttaaq innaallagissamik aalajangersimasumik kiassaaneq MWh-mut DKK 20-nik appassaaq MWh-imut DKK 770-inngorluni, kiisalu innaallagissamik kiassaanermut qaminneqarsinnaasumut akigitinneqartoq MWh-imut DKK 10-nik appassaaq MWh-imut DKK 710-inngorluni.
Innaallagissamut aamma imermut akigitinneqartoq 1,13 %-imik 2016-imut sanilliussilluni qaffassaaq. Innaallagissamut akigitinneqartoq minnerpaaffiusoq 2 oorinik qaffassaaq, kiisalu akigitinneqartoq qaffasinnerpaaffiusoq 4 oorinik qaffassalluni.
Imermut akigitinneqartoq minnerpaaffiusoq 2 oorinik qaffassaaq, kiisalu akigitinneqartoq qaffasinnerpaaffiusoq 37 oorinik qaffassalluni.