Kulturi

KNR-p aallakaatittagai radioqarfimmik pisinermi pitsanngortinneqassapput

Nuummiunut nipilersornernik aallakaatitsiviunerusartoq, Voice of Greenland KNR-imit 500.000 koruunilerlugu pisiarineqarpoq, KNR-ip pisortaa Søren Lennert Mortensen tusagassiutinut nalunaarummini taama allappoq.

Allattoq Jonas Løvschall-Wedel, Apollo Jeremiassen

januaarip 22-at 2015 15:19

Radioqarfiup pisiarineqarnerani akigitinneqartussaq 500.000 koruuniusussaq kukkunersiuisunit, Deloitte-kkunnit nalilerneqarpoq.

Voice of Greenlandimi atortut soorlu nipilersuutit allattorsimaffii, aallakaatitsinermut atortut, nittartagaq, App-it qarasaasiatigut atortorissaarutit, radioqarfimmi sulisut taamatullu pilerisaarisarnissamut isumaqatigiissutit KNR-ip maanna pigilerlugit akisussaaffigilerpai.

Pilerisaarutinik radioqarfiup aallakaatitsisarnerni iluanaarutit ukiumut 1. million koruunit missaanniittarnissaat, KNR-imit naatsorsuutigineqarpoq.

Aamma atuaruk Tusarnaartartut inuusuttuunerusut KNR-ip sullinniarpai

Radioqarfilli pisiarineqartoq KNR-imit aningaasatigut iluanaarniarfigineqassanngitsoq, KNR-ip pisortaata, Søren Lennert Mortensenip oqaatigaa oqarlunilu KNR-ip maanna aallakaatittagaannut aamma akornusiissannginnera eqqarsaatigineqartoq.

- Taamaaliornikkut KNR Radio-p missigersuutai sunniuteqarfigineqassanngillat kisianni aallakaatitassiortarnernit inuusuttuunerusunut imalinnik aningaasanik atorneqartussaagaluartunik illikartitsissaaq taakkulu KNR pingaarnermi aallakaatinneqartarunut annertusaatitut pitsanngorsaatitullu atorneqartassallutik.

KNR-ip pisortaa, Søren Lennert Mortensen tusagassiutinut nalunaarummini allappoq.

Tusagassiuutinut nalunaarut tamarmiusoq unani atuarneqarsinnaavoq.