INI nutaamik nittartagartaarpoq
INI A/S-ip nittartagaq nutaaq ullumi ataasinngornermi aggustip ulluisa 29-anni atuutilersippaa, inuimmi INI.gl maanna iserfigigunikku nutaamik takusassaqalermata.
Allattoq Inge S. Rasmussen
aggustip 29-at 2016 15:14
Inip nittartagaata atuisunit atoruminarnerulersinneqarnissaa siunertaavoq, ujartuiffigiuminarsarneqarsimallunilu. Inissiaatileqatigiiffiup pisortaanera Henrik Rafn taama oqarpoq.
INI najugaqarfiillu pillugit paasissutissat tusagassiuutitigut nalunaarutit, paasissutissat nalinginnaasut, nammineerlunilu imminut sullissinnaanerit, assersuutigalugu inissianik inoqanngitsunik ujarliutit INI-p nittartagaani nassaassaapput, paasissutissallu allat aamma aaneqarsinnaassapput:
- Tamaanga killiinnarnnianngilaagut. Attartortummi nittartagaq aqqutigalugu imminnut sullissinnaanissaat anguniarlugu nittartagarput suli ataavartumik ineriartortittussaagatsigu, A/S Inissiaatileqatigiiffiup INI-p pisortaanera Henrik Rafn oqarpoq.
