Kalaallisut atuakkialiaq nutaaq saqqummersinneqarpoq

Atuakkiami takorluukkatut inuttarineqartoq tassaavoq "Lisa". Lisa meeraanermi sakkortuumik atugaqareerluni inersimasunngorami naartulerpoq:

- Naartulerami aappaminit qujanartumik tapersersorneqarluarpoq, angajoqqaatullu pikkorissartinneqarlutik.
Tamatumalu malitsigisaanik "Lisa" inuttut qaammaassaqarnerulerlunilu inuttut ineriartornissaminut uisinneqarpoq, atuakkiartoq, Frederikke A. Isaksen oqarpoq.

Oqaluttualiamilu pisartut piviusut tunngavigalugit aamma atuakkiaasoq, atuakkiortup oqaatigaa, neriuutigaalugu oqaluttualiaq atuartartunit isumassarsiorfigineqarsinnaalluarumaartoq:

 - Atuakkiami ersersikkusuppara, inuit kikkulluuunniit inuttut ingerlariaqqikkusuttut periarfissaqarmata,  tassa oqinnerusumik inuuneqalernissamut qaammaassaqanerulernissamullu tunngasuuvoq, atuakkiartoq taama oqarpoq.

AAMMA ATUARUK Inuit nunartik pillugu sukataarnerat pillugu atuagaq nutaaq

Atuakkiortoq Frederikke A. Isaksen Narsami inunngorpoq maannalu Qaqortumi najugaqarluni. Rådgivningsassistentitullu Inunnik Isumaginnittoqarfimmi maanna ilinniartuuvoq.

Frederikke A. Isaksenip atuakkiaa siulleq ”Karlina” 2012-imi saqqummersinneqarpoq.
atuakkiaalu kingulleq "Periarfissinneqarneq Igloo Publishingimit saqqummersinneqarluni.

AAMMA ATUARUK Kim Leine Nunatsinnut tunngasumik nutaamik atuakkiortoq