Nuup mittarfiata tallineqarnissaanut ASN-imut akuersissut tunniunneqartoq

Naalakkersuisut Nuup Mittarfiata allineqarnissaanut ASN-imut akuersissut marsip aallaqqaataani tunniuppaat.

ASN-imut nassuiaat sanaartugassami avatangiisinut kingunerisassat tulleriiaarlugit saqqummiunneqarnerinik imaqarpoq. Nassuiaat aamma suliniutissanut, avatangiisinut sunniutaanerluttussanik akiuiniarnermi atorneqartussanut siunnersuutinik imaqarpoq.

AAMMA ATUARUK Kalaallit Airportsip suliariumannittussarsiuussinissani kinguartikkaa

Akuersissullu sanatitsisumut Kalaallit Airports A/S-imut tunniunneqareerpoq.

Ilulissani mittarfissamut VVM-imut akuersisoqareerpoq. Qaqortumilu mittarfik minnerulaartussaammat VVM-ikkut akuerineqaqqaartariaqarani.

Qaqortumi mittarfissamut atatillugu avatangiisinut sunniutissai pillugit taamaallaat naliliisoqartussaavoq. Suliarlu taanna suli naammassineqanngilaq.

ASN-imut akuersissut uani atuarneqarsinnaavoq.