Nuup eqqaani pinngortitami KNR tusarnaarneqarsinnaanngoqqittoq
Mellembølgikkoortumik aallakaatitaq Nuup eqqaani Qeqertarsuarmit kilometerinik 300-nik 600-nillu ungasitsigisumit tusanaarneqarsinnaavoq, atortut tigooraassutit suut atorneqarnersut apeqqutaalli. Attaveqaat soorunami immap qulaanit attaviginneruvoq. Tele-Post tusagassiorfinnut nalunaaruteqarluni taama ilisimatitsivoq.
AAMMA ATUARUK Mellembølgep taartissaa ujarpaat
Aallakaatitsissut amigaataasoq kingulleq tassaavoq Kujataani qeqertami Simiutamiittussaq, taannalu ukiormanna juunip aallaqqaataani atulersinneqartussaavoq.
Tele-Postip aamma ilisimatitsissutigaa, attaveqaatilerinermut teknikerit Nuummiittut, mellembølgemut attaveqaat ikkuttussaareeriaramikku Kitsissuni attaveqaatilerinermut pikkorissartinneqartut.
Klaus Egede, Kaaliaraq Lyberth, ilitsersuisoq Scott Macleod, Bo Christensen aamma Jens Jakobsen, Kitsissuni ulluni marlunni sulereerlutik qeqertaq qimaleraat. Asseq: Tele-Post.