Tusagassiuutit: Nuup Aalborgillu akornanni timmisartukkut aqqut nutaaq
![](/sites/default/files/styles/image_934x467/public/2024-08/aal-forplads-fly-klm-terminalbygning__3760x2507_.jpg?itok=lBmsAT2P)
Nuup Aalborgillu akornanni timmisartukkut aqqut toqqaannartoq nutaaq aasaanerani atulissaaq.
Sermitsiaq danskillu tusagassiorfii arlallit allapput.
Timmisartuutileqatigiiffik Ruby Rejser Aarhusimeersoq timmisartumik timmisartuutileqatigiiffimmik Airsevenimit attartorluni taama aqquteqarnissaanut suliniuteqartuuvoq.
Timmisartumut ilaasussat siulliit juulip aqqaneq-aappaani aallarsinnaapput, 2025-milu septembarip aallaqqaataata tungaanut sapaatip akunneranut marloriarluni timmisartuussisartoqassalluni.
Aqqut Air Greenlandip timmisartuussileqatigiiffinni kisiartaalluni Danmarkip nunatsinnilu illoqarfiit pingaarnersaata akornanni toqqaannartumik timmisartuussivigisarneranut allannguisuussaaq.
Aalborgip mittarfiata pisortaa Niels Hemmingsen tusagassiuutinut Nordjyskemut oqarpoq:
- Nuummut toqqaannartumik aqqummik pilersitsinissap ilippanartortaqangaatsiarnera takusinnaavarput. Inuussutissarsiuteqartunik sunngiffimmilu angalasussarpassuaqarpoq, aamma angallanneq Nuummut Nuummiillu assartugassanut iluaqutaasinnaavoq.
Timmisartumut billet aqqummut ataatsimut 1998 koruuneqassaaq, taannalu piumaneqarnerat aallaavigalugu nikerassalluni.
Nuummi nunanut tamalaanut mittarfik pilersaarut malillugu ukioq manna novembarip 28-ani atuutilissaaq.