Nuunu VM-imi normu 62-inngortoq
Sisorartartoq 22-nik ukiulik unamminermi siullermi 68-inngorpoq unamminerulli naammassinerani normu 62-inngorluni.
- Nuannertorujussuuvoq. Takorluukkannit ajunnginnerujussuuvoq, taamaammat sukataarnerusinnaagaluarpunga, nuannisaramali ajunngeqaaq, Nuunu Chemnitz Berthelsen Danmarks Skiforbundimit apersorneqarluni oqarpoq.
Nuunu Chemnitz Berthelsenili sisorartartut 60-it ingerlaqqinnissamut anguttut akornaniinngitsoorpoq.
Angusaali Schweizimi sangusaapiloornermi nunarsuarmi pissartanngorniuunnermit ajunnginneruvoq.
Sisorartartup inuusuttup apuuffissaminut minutsi sekundillu aqqanillit atorpai. Unamminermi ajugaasup nunarsuarmilu pissartanngortup, slovakiamiup Petra Vlhovap angusaanit tamanna 10 sekundimik arriinneruvoq.
Arnat Åremi sangusaapiloorneranni 98-it peqataapput.
Nuunu Chemnitz Berthelsen arfininngorpat nalunaaqutaq aqqanermit unammeqqissaaq tassani sangusaarnermi nunarsuarmi pissartanngorniuuttoqassaaq.
Nuunu Chemnitz Berthelsenip unamminerup siulliup kingorna Danmarks Skiforbundimit apersorneqarnera uani takuuk.
