Nuummioq soqutigineqarnerulerpoq

Filminik takutitsisarfiit nunani assigiinngitsuneersut, filmimut Nuummiumut soqutiginninnerat anginerulerpoq, siorna filmit silarsuaannit piumaneqaqisumik Oscarimik pissarsisussatut innersuunneqareertorlu. 3900 Picturesimik piginneqataasoq Mikisoq H. Lynge ima oqarpoq.

- Filmit allat 65-it peqatigalugit Oscarimik pissarsisussatut siorna ukiakkut innersuunneqarpugut - tamannalu uagutsinnut angisoorujussuuvoq, Mikisoq H. Lynge oqarpoq.

Mikisoq H. Lyngep neriuutigaa Danmarkimi filmimik pisiumasunik nassaarumaarluni, Danmarkimi filmertarfinni takutinneqarnissaa siunertarlugu.

- Nunani assigiinngitsuni takutinneqarnissaa suli amigaataavoq. Kikkulluunniit filminik nutaanik takutitsisarfinnut, filmfestivalinut, takkutiinnarsinnaanngillat. Taamaattumik neriuutigaarput pisiumasoqarumaartoq, inuinnaat aamma filmi takuniassammassuk, Mikisoq H. Lynge oqarpoq.

Mikisoq H. Lynge oqarpoq, isiginnaartartunut maannakkumut anngunnissaq .

- Pisiumasinnaasut ernummatigaat aningaasaatitik utertissannginnasoralugit. Uaguinnaalli taamatut eqqugaaqqasut. Filmiliornerummi silarsuaani tamanna tamanut atuuppoq. Tunniutiinnanngilagulli, neriuppugullu inuit amerlanerusut tikissinnaassallutigik, Mikisoq H. Lynge oqarpoq.

Nuummioq Danmarkimi Koldingimi filmertarfimmi siullermeerluni aqagu takuteqqaarneqassaaq.