Nuummi Unnuk Kulturisiorfik

Kulturimi unnussiortoqarnerani Inatsisartuni unnuk ataaseq ilaasortanngortoqarsinnaavoq. Nammineq timikkut Inatsisartuni oqaluttarfimmiit, qanoq misigineqarsinnaanersoq misilinneqarsinnaalluni. Naalakkersuisullu siulittaasuat Kim Kielsen, allaffimmi naapinneqarsinnaajumaarpoq.

Kingorna Nukissiorfiit kallerup inniliorfia Sarfaannguaniittoq pulaarneqarsinnaavoq. Kalaallit Nunaanni kallerup inniliuutit annersaat qaqutigoorluinnartumik ingerlatinneqartoq unnukkut qulingiluanut takuniarneqarsinnaavoq. Illoqarfiummi pingaarnersaat Utoqqarmiut Kangerluarsunnguaniit kallerup inneranik maannakkut pilersorneqarmat.

Issittumi Sakkutooqarfiup sinerissami nakkutilliissutaata Knud Rasmussenip aquttarfia ilanngullugu aamma takuniarneqarsinnaavoq. Ujaasinerit, sillimaniarnerit, immami timmisartunillu annaassiniarnerit tassani paasisassarsiorfigineqarsinnaapput. Issittumilu Sakkutooqarfiup Kalaallit Nunaata avataani allanik suliaqartarnera aamma tusarfigineqarsinnaassalluni.

Dronning Ingridip peqqissaaviani inersimasunut Inuusaatsimik pissutsit peqqinnerlu pillugit Caféqassaaq, meeqqallu bamseutitik nassarlugit, Bamset napparsimmaviannut nakorsiussinnaassavaat.

Greenland Simulation Centerimi timmisartorsuarmik Boeing 737-mik, qanoq aqunneqarsinnaanersoq misilissinnaavat, Københavnip timmisartoqarfissuanut taanna nunnigullugu kingorna misilillugu.

KNR-imi tusagassiortut qanoq sulisarnersut alakkarsinnaassavatit, Qanoruumilu assiliissutit aallakaatitsivimmi tassani misilillugit. Unnuk kulturisiorfimmi pilersaarutit alakkagassarpassuillu, kulturnat.gl-imi takuneqarsinnaapput.

Pilersaarutit uani atuakkit