Nuummi ujarlerneq: Ukua angutit kiinarpallit takunikuuigit?
Malunngormat ualikkut nal. 16:06 Nuummi Atertami Brugseneeqqami ujajaasoqariaraluartoq Kalaallit Nunaanni politiinut kalerrisaarutigienqarpoq.
Inuit kiinarpallit marluk pisiniartitsisoq arnaq qunusaarlugu karsimiit aningaasanik tunniussitinniaraluarsimavaat.
Ass.:Kalaallit Nunaanni Politiit.
Pisiniartitsisulli suleqatini aallugu qimagummat, taakkua marluk niuertarfimmiit qimaasimapput.
Kalaallit Nunaanni politiit tusagassiuutitigut nalunaarumminni taamatut nalunaarput.
Ujajaanermut atatillugu inuit marluk ukua politiit ujaaraat.
Inuit taakkua marluk imatut isikkoqarput:
A. Angut 15-it 20-llu akornanni ukiulik. Taanna 165-170 cm missaanik angitigaaq, timaa nalinginnaalluni, amia simerluni kalaallisullu oqalulluni. Taanna qernertumik nasartalimmik tuluujoqarpoq, qernertumik jakkeqarluni, wernertunik qarleqaarluni, qernertunik isigattaasa tungaatigut qaqortunik qalilinnik skooqarluni kiisalu aappalaartunik aaqqateqarluni. Taanna qaqortunik isaruaqarpoq kiinnanilu qungaseqummik ataannartumik imaluunniit qanimut assiaqummik assersimallugu. Taanna savimmik sakkoqarpoq.
B. Angut 15-it 20-llu akornanni ukiulik qaamasumik amilik. Taanna 165-170 cm missaannik angissuseqarpoq, timaalu nalinginnaalluni, qaamasumik ameqarpoq kalaallisullu oqalulluni. Taanna qernertumik nasartalimmi jakkeqarpoq, qernertunik qarleqarluni, qaqortunik skooqarluni kiisalu aappalaartunik qernertortalinnik aaqqateqarluni. Taanna qernertunik seqinersiuteqarpoq animullu assiaqummik nalinginnaasumik tungujortumik kiinnani assersimallugu. Taanna aamma savimmik sakkoqarpoq.
Angutit taakkua ujajaariaraluartut marluk alapernaarsuutitigut assingi ilanngullugit politiit saqqumiuppaat.
- Pisimasoq pinartutut ilungersunartutut politiit isigaat, taamaammallu pinerluttunik ilisimannittut ingerlaannaq poltiinut nalunaaqqullugit, politiit allapput.
Politiinut sianersinnaavutit. Normoraat 701448.
