Nuummi tunillatsittut nutaat 14-it: Tunillatsissimasinnaasorpassuusut
Nuummi coronamik tunillatsissimasut nutaat 14-it paasineqarput.
Nakorsaaneqarfik taama paasissutissiivoq.
Tunillatsissimasunit amerlanerpaat tunillaassuuffiusunit ilisimaneqartuneersuupput, aammali ilaanni tuniluuffiup aallaavia ilisimaneqanngilaq. Tassa imaappoq tunillatsissimasut sumi tunillatsissimanerat ilisimaneqanngilaq.
Ullunut kingullernut sanilliullugu meeqqat kisimik tunillatsinngillat. Tunillatsissimasut nutaat affaat inersimasuupput.
Tunillatsissimasut nutaat 14-it amerlasoorujussuupput – kisianni ullormut nutaatut paasineqartuni amerlanerpaanngillat.
Uanili tuniluuttoqarsinnaanerata annertunera ajornartorsiutaasoq, Nakorsaaneqarfik paasissutissiivoq. Tunillatsissimasummi arlallit tunillatsissimanerminnik paasisaqannginnerminni illoqarfimmiittarsimallutillu imerniartarfissiorfimapput.
Piffissami uani sumiiffinni ukunaniissimaguit ullumi aqaguluunniit misissortissasut, nakorsaaneqarfik paasissutissiivoq:
Pingasunngorneq septembarip 8-at:
- Nuussuup Timersortarfiani Arsarnermi nalunaaqutaq 15.00-imit 16.00-imut
Sisamanngorneq septembarip 9-at:
- Fitness.gl nalunaaqutaq 15.00-imit 17.00-imut
- Firmafodbold på Stadion nalunaaqutaq 18.30-mit 20.00-imut
Tallimanngorneq septembarip 10-at:
- Pascucci nalunaaqutaq 15.00-imit 16.00 aamma 23.00-imit – 24.00-imut
- Killut nalunaaqutaq 19.30-mit 20.30-mut
- Maximut nalunaaqutaq 20.30-mit 21.00-imut
- Tuttu nalunaaqutaq 21.00-imit 22.00-imut
- Kirstinemut nalunaaqutaq 22.00-imit – 23.00-imut aamma 01.00-imit til 03.00-imut
- Skyline nalunaaqutaq 00.00-imit - 01.00-imut
- Daddy’s nalunaaqutaq 01.00-imit 04.00-imut
Nuummi misissuisarfik ullumi aqagulu nalunaaqutaq 16.00-ip tungaanut ammassaaq.
Tunillatsissimasumit qanillineqarsimasut toqqaannartumik attavigineqassapput, taakkulu ullumi misissortissallutik.
Illoqarfiit pingaarnersaanni tunillatsissimasut sapaatip akunnerata siuliani amerliartulernerat taamaalillutik amerliartuinnarput.
Tunillatsissimasut nutaat arfineq-pingasut sapaatip akunnerata naanerani paasineqarput, sapaatip akunneratalu naanerani paasineqartut taakku tamarmik meeqqerivimmut Timmiaaqqanut attuumassuteqarput. Tunillatsittut nutaat taakku meeqqerivimmiittunut qatanngutaallutillu angajoqqaajupput.
Meeqqerivimmiittartup ataatsip sulisullu tunillatsissimanerisa paasineqarneratigut sapaatip akunnerata siuliani matuneqarallarnerata kingornatigut illoqarfiit pingaarnersaanni tunillatsittut amerliartupiloorput: Atuarfimmi ASK-imi klassimi ataatsimi atuartut angerlartinneqarput, USK-imi klassini pingasuni atuartut angerlartinneqarput, sunngiffimmilu ornittakkat Narsarmiutaq aamma AKO ILLU matuneqarlutik.
Nuummi tunillatsissimasut sapaatip akunnerata ataatsip matuma siorna arfineq-marluinnaapput.
Nunatsinni tunillatsissimasut katillugit 47-pput - tunillatsissimasunillu nutaanik Nuummi kisimi ullumikkumut paasisaqartoqarluni.
Tunillatsissimasut kommunikkaarlugit ima agguataarneqarput:
- Avannaata Kommunia: Tunillatsissimasoq ataaseq.
- Kommune Qeqertalik: Tunillatsissimasoqanngilaq.
- Qeqqata Kommunia: Arfineq-pingasut.
- Kommuneqarfik Sermersooq: 38-t.
- Kommune Kujalleq: Tunillatsissimasoqanngilaq.
