VIDEO Nuummi sioorasaarineq tigusarinninnerlu ima ingerlavoq
Suliaq, siorasaarutinik tallimanngornermi ualikkut takkuttuoqarmat, aallartippoq. Allakkat ilungersunartuummata, GU-miittut tamarmik qanittuanilu meeqqerivimmiittut tamarmik qimagussortinneqarput.
Politiit pasisaminnut saallutik tamatuminnga qimatsinissaannnut, GU-miittunik qimagusimatitsineq akunnernik pingasunik sivisissuseqarpoq.
Pasisaq Nuup qeqqaniippoq, taassumalu najugaa kingusinnerusukkut assersugaalerpoq, arfininngormallu nalunaaqutaq tallimat qeqqata missaani tigusaavoq. Pisut qulaani videomi pingaarnersiorlugit eqqartorneqarput.
Tarnikkut napparsimasutut unitsinneqarpoq
Nuummi GU-mi Ilinniartitsisunik ilinniarnertuunngorniartunillu toqutseriartutut siorasaaruteqartutullu angut pasineqarpoq.
Angut maanna pasineqartoq najuutsinnagu sassartinneqarpoq, Dronning Ingridip Napparsimmavissuani tarnikkut nappaatilinnut immikkoortoqarfimmut pinngitsaaliissummik unitsinneqarsimanera peqqutigalugu.
Morten Niensenip sooq pinngitsaaliissummik unitsinneqarnera ataani nassuiarpaa.