ASSIT Nuummi siallersumi Nuugaatsiamut misiginneqataallutik tussiaqatigiittut
Nuummi Amisut eqqaani innuttaasut katersuupput. Tassani naalakkersuisoq, Sara Olsvig oqalugiartut ilagaat, Nuugaatsiarmiullu misiginneqatigalugit naneruutinik ikiterisoqarpoq tussiaqatigiittoqarlunilu.
Ilaat qissapput, eqitaarrattoqarpoq amerlanerilli eqqarsaateqarpasingaarlutik tussiartunut tusarnaarput.
AAMMA ATUARUK Nunaqarfiit sisamat immap ulikkiartornera nakkutigissavaat
Naalakkersuisoq, Sara Olsvig takkuttunut oqalugiaateqarnermini attortisimarpasippoq. Oqalugiareerluni takkuttorpassuit qujassuteqarpoq:
- Soorunami pisoq taama alianartigisoq taartuinnarmi qaamaneeqqatut isigisinnaavarput, inuit taama amerlatigisut katersuummata ataatsimoorsinnaagattalu ullormi taama artornartigisumi Naalakkersuisuniit eqqugaasunut nuugaatsiarmiunut Uummannarmiunullu eqqaamiuiniittunullu misiginneqatiginnissuterput apuupparput.
Politiit naapertorlugit tassaarsuarnerup Nuugaatsiaq arfininngornermi nalunaaqutaq qulinngunngitsiartoq eqqormagu illut aqqanillit imaanit amuneqarput. Nunaqarfimmiut sisamat suli maqaasineqarput. Sinnerilu politiinit sumiissusersineqarsimapput.
Naalakkersuisup, Erik Jensenip sapaammi ataatsimoornissaq Facebookikkut aaqqissuuppaa.
AAMMA ATUARUK Nuugaatsiami innuttaasut maanna nalunaarsorneqarsimalerput
AAMMA ATUARUK Nuna sajussimanera sisoorsimaneraluunniit pisuunersoq ilisimaneqanngilaq