Nuummi sermimit ilusilersuilerput
Nuuk sialuartukasik Kommuneqarfik Sermersooq nutaarsiassamik sermimut tunngassutilimmik saqqummiussivoq.
Oqaluttuamut tunngaviuvoq ullukinnersiortarneq kristumiussuseq takkutinngikkalarmalli kalaallit nalliussisarsimasaat nalliussineqartaleqqissamaalersoq.
Ullukinneq ilaatigut malunnartinneqarniarpoq sermimit ilusilersukkanik sananikkut.
Sermimit ilusilersuisartut Norgemeersut decemberip 16-iat Nuummut tikinniarput sermimik ilusilersuissallutik decemberip 21-ani uleerneqartussanik Nuup qeqqani illoqannginnersami qiperukkat "Amisut" sanianni.
- Sermimik qiperuisitsineq siunissami ukiukkut sermimik qiperuisitsisarnissamut aallarniutaatigissaaq, taama Kommuneqarfik Sermersooq allappoq.
- Taamaammat innuttaasut soqutiginnittut qiperuisut sulinerannik malinnaasinnaapput taamalu sermimik qiperuinermik periutsinik ilinniarlutik, taama kommune nalunaarpoq.