Nuummi qaqqami Ukkusissani inuk ujaarineqarpoq
Nuummi politiit helikopterimik Ukkusissani inummik ujaasipput.
![Ukkusissaq (Store Malene) set fra Qinngorput Ukkusissaq (Store Malene) set fra Qinngorput](/sites/default/files/styles/image_934x467/public/article_images/ukkusissaq-jan-2016.jpg?itok=J9AUT_HQ)
![Ukkusissaq (Store Malene) set fra Qinngorput](/sites/default/files/styles/image_934x467/public/article_images/ukkusissaq-jan-2016-002.jpg?itok=BcAqD4Io)
Allattoq Thomas Munk Veirum
Nutserisoq Jaaku Lyberth
NAL. 11.35 NUTARTERNEQARPOQ: KALAALLIT NUNAANNI POLITIIT UJAASINEQ ARFININNGORNERMI UNNUKKUT NAAMMASSINNEQARTOQ TUSAGASSIORFINNUT NALUNAARUTIGAAT. ANGUT 57-INIK UKIULIK NAKKARSIMALLUNI AJUNAARTOQ POLITIIT NALUNAARUTIGAAT.
Nuummi qaqqami Ukkusissani politiit qatserisartullu arfininngornermi unnukkut ujaasillutik ulapipput.
Ujaarineqartoq qaqqamit nakkarsimassangatinneqarpoq, Kalaallit Nunaanni politiini pigaartoq, Søren Bendsten KNR-imut oqarpoq.
- Ujaasilluni ulapinneq pissuteqarpoq, qaqqami nakkarsimasumik takunnittoqarsimaneranik nalunaarfigineqaratta, Søren Bendsten oqarpoq.
Ujaasineq qatserisartunit politiinit helikopterinillu ingerlanneqarpoq.
Ujaasinermut tunngassuteqartunik politiit annertunerusunik oqaaseqarsinnaanatik KNR-imut oqarput.