Nuummi politiit ujaasipput
Suliaq siulleq
Nalunaarut siulleq politiinut takkuttoq arfininngornermi ullaassakkut nal. 4.20 pivoq. Angut inuusuttoq 16-inik ukiulik Blok P saaqqutsillugu tassanngaannaq inummit ataatsimit tunuminit toqqusassineqarpoq allallu 16-inik ukiulik saavaniit kiinaagut tillualerlugu. Pisup nalaani 16-inik ukiullip mobilini katappaa, taannalu saassussisunit tillinneqarpoq. Mobili LG-mik meqqeqarpoq, aappalungusersuulluni, igalaasartaa attulaaginnarlugu iliuuseqarfiusinnaalluni.
Suliap aappaa
Nalunaarutip tullia ualikkut pingasunut takkuppoq, tamatumuuna 26-nik ukiulik politiinut nalunaaruteqartuulluni. Angut oqaluttuarpoq ullaassakkut pingasut sisamallu akornanni blok P-mi isaarissat pingajuat nallerluguni angutit inuusuttut pingasut saassussimagaanni. Angutip ataatsip tunuaninngaanniit paarigaa allat marluk annersarsimavaat. Angutip 26-nik ukiullip aningaasaatai 400 koruunit mobilialu tillinneqarsimapput.
Pisimasut politiit assut ilungersunartutut nalilerpaat, taamaattumillu kikkulluunniit angutit inuusuttut kikkuunerinik nalunnginnittut, arfininngornermi ullaassakkut marluk tallimallu akornanni inuusuttunik blok P-p eqqaaneerujoortunik takunnissimasinnaasut attavigerusuppaat.
Politiit oqarasuaammut 32 14 48-mut sianernikkut attavigineqarsinnaapput.