Nuummi Mittarfimmi isumannaallisaanermi ajornartorsiutit angalanissannut ilungersunarnerutitsisut

Takorlooruk:

Mittarfimmiillutik nassatatit tunniullugit. Angalanissamut ikinissamut allagartami Parisimukartutit allassimavoq, aamma naak Københavnimut akunnillutik mikkaluartutit.

Periarfissaq tamanna One Stop Security-mik taaneqartarpoq, tamanna aasaq 2025-mi Nuummiit aallarninnit periarfissaalissaaq.

Greenland Airports facebookimi quppernermini allappoq.

One Stop Securityp atulernissaata tungaanut akunnillutik mittaangavit nassatatit tigoqqaariarlugit isumannaallisaanermi misissuivikkooqqeqqaartassaatit.

Tassa Københavnimut tikikkaangavit nassatatit aaqqaariarlutik nutaamik tunniusseqqaarlutik security aqqutigeqqeqqaartassavat.

Aasarli 2025-mit – pilersaarut malillugu – ataasiaannarlutit tunniussisalerlutik misissorneqaqqittariaqarunnaassaatit.

Mittarfik nutaaq sapaatit akunneri marluk qaangiuppata ammarpat One Stop Security atulertussaagaluarpoq, isumannaallisaanerli EU-mit septembarimi akuerineqartussanngormat tamanna suli piariinngilaq, taamaammallu sapaatit akunneri marluk qaangiuppata aamma piareersimassanani.

- Timmisartoqarfimmi angunissaa annertuumik siunnerfilimmillu sulissutigisarput. Kisianni suliassaq ingerlaqqaartussaavoq, sulilu angorusutagut tikinnatigit, Greenland Airports nittartakkamini allappoq.