Assi: KNR

Nuummi mittarfiliornissaq Partii Naleqqap IA-llu isornartorsioraat

Kalaallit Airports A/S-ip Nuummi mittarfiup tallinissaanut immikkut akuersissutinik tunineqarsimanera politikkikkut uissuummissutigineqarpoq. Pissutsit Inuit Ataqatigiinnit Partii Naleqqamiillu isornartorsiorneqarput.

Nuummi mittarfittaassap mittarfiliortiternermut nunani tamalaani malitassanik qaffasissunik naammassinnginnginnera naammaginanngilaq. Inuit Ataqatigiit Partii Nalerarlu taama isornartorsiupput.

Kalaallit Airports A/S-ip Nuummi mittarfiliornissamut immikkut akuersissutinik arfinilinnik Danmarkimi Angallannermut, Sanaartornermut Ineqarnermullu aqutsisoqarfimmit tunineqarnera pillugu KNR-ip pingasunngormat saqqummiussinerata kingorna taama nalunaaruteqarput.

AAMMA ATUARUK Landingsbane får mindst mulige bredde

Mittarfiliortiternermi immikkut akuersissuteqartoqartarnera nalinginnaasuuvoq, ilaatigut nunap ilusaanut tunngatillugu. Immikkullu akuersissuteqartoqaraluartoq Nuup mittarfittaassaani isumannaallisaanermut tunngasut Danmarkimi Angallannermut, Sanaartornermut Ineqarnermullu aqutsisoqarfimmit akuerineqarput, aqutsisoqarfik taama paasissutissiivoq.
 
Partii Naleqqalli, mittarfiliortiternissamik pilersaarutit taasissutigineqarmata itigartitsisup, tamanna naammaginngilaa.

- Milliardit arlallit atulerpagunngooq, taamaakkaluartorli isumannaallisaanermut nunat tamalaani akuerisaasut maleruagassat avaqquttariaqarlugit, mittarfiit milliarderpassuallit naammaginanngitsut. International mittarfissuartaalinngilagut, pilerparput mittarfik innarligaq eqqumiikajaartoq, Partii Naleraq taama isornartorsiuivoq.

AAMMA ATUARUK Mittarfiit pillugit avatangiisinut nalunaarut tusarniaassutigineqaqqittoq

Inuit Ataqatigiit aamma isumaqarput Nuummi mittarfittaassami nunani tamalaani piumasaqaatit qaffasinnerpaat naammassineqartariaqartut. Aammattaaq pissutsit arlallit pillugit, ilaatigut mittarfissap silissusissaanut tunngatillugu, immikkut akuerineqarnissamik qinnuteqartoqarsimaneranik  Inatsisartut ilisimatinneqarsimannginnerat Inuit Ataqatigiit naammaginartinngilaat.

- Tamanna akuerineqarsinnaanngilaq. Uangami nammineq Aningaasaqarnermut ataatsimiititaliami ilaasortaavunga ilisimatinneqarnikuunngisaannarpugut immikkut akuersissuteqarnissamut tunngasumik, Inuit Ataqatigiinni siulittaasup tullia, Aqqaluaq B. Egede, taama oqarpoq.

Naalakkersuisut siulittaasuata Kim Kielsenip immikkut akuersissuteqarnermut tunuliaqutaasut pillugit nassuiaateqartariaqarsoraa.

Mittarfiliortiternissamik pilersaarutit Inatsisartuni siorna novembarimi inaarutaasumik taasissutigineqarmata Inuit Ataqatigiinneersut marluk taaseqataanngillat, sinneri akerliullutik taasisut.

AAMMA ATUARUK Aalajangiisoqarnissamut peqataatinneqarnerput naammassimanngilaq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat