Nuummi ICC-mut atatillugu inuaqerpaluppoq

Immikkut timmisartuussinerit arlallit Nuummut tikeraanik ilaasoqarlutik mittut qassiugaluarnerpat, tikittullu kulturikkut illorsuarmi Katuami nalunaarsorneqarlutik aallarteruttorneqarput.

ICC-mitaavaana suleriniartoq.

ICC tassaavoq suliniaqatigiiffiit naalakkersuisutiguunngitsut ilaat, naggueqatigiit inuit nunat najugaasa killeqarfii akimorlugit naapeqatigiiffik.

ICC suliniaqatigiiffiit naalakkersuisutiguunngitsut NGO-nik taaneqartartut ilagaat, tassaalluni inuit nunat najugaasa naalakkersuisa aqutarinngisaat.

ICC ukiut sisamakkaarlugit ataatsimeersuartitsisarpoq, kingullermik nunatsinni ataatsimeersuarnera Nuummi pivoq ukioq 1998-imi.

Ataatsimeersuarneq oqalugiarnertaqarlunilu oqallinnertaqassaqaaq, nunat peqataatitaqartut aallartitaasa ataatsimoorlutik immikkuutitaarlutillu ataatsimiiffissaat.

Ukiormanna naapinnissami sammisassatut qulequtsiussat sisamaapput, tassaallutik. Aningaasaqarnikkut ineriartorneq, Silap pissusaa, Peqqissumik inuuneqarneq aamma Piniarneq inuussutissallu.

Ataatsimeersuarneq ataatsimiinnerinnaassanngilaq, tassami kulturimut tunngasunik pisussanik ulikkaarluinnassaaq. Aaqqissuussinerit allattorsimaffiat knr.gl-imi atuarsinnaajumaarpat aaqqissuussallu tv-kkut takusinnaajumaarlugit.