Nuummi biilinik ajutoorneq: Angut napparsimmavimmi uninngasoq toquvoq

Angutip 21-nik ukiullip Nuummi 400-talimmi biilinik sisamanngornermi ajutoortup ajutoornini toqqutigaa. Angutip ilaqutai kalerrinneqareerput.
Politiit ajutoornermi suna pissutaasimasinnaanera paasiniarlugu timimik ullumi misissuissapput.
Allattoq Bibi Nathansen
oktobarip 15-at 2021 12:12

Nuummi angut inuusuttoq sisamanngornerup unnuaani biilinik ajutoornermini aqqunartiterpoq. Angut 21-nik ukiulik Nuummi napparsimmavimmi peruluttut uninngaviannut unitsinneqarpoq.

Angut 21-nik ukiulik toqukkut ajoraluartumik qimaguttoq politiit ullumi nalunaarutigaat.

Kalaallit Nunaanni Politiit KNR-imut paasissutissiipput.

BIilinik ajutoornermi suna pissutaasimasinnaanersoq paasiniarlugu politiit timimik ullumi misissuissapput.

Politiit suliamut tunngatillugu maannakkut allamik oqaaseqarsinnaanngillat.

AAMMA ATUARUK Angut kisimiilluni biilinik Nuummi ajutoornermi kingorna unitsinneqartoq

Nuummi Fiskerbymi biilinik ajutoortoqartoq politiit oktobarip ulluisa 14-ianni unnuakkut nalunaarfigineqarput.

Angut 21-nik ukiulik biilinik assakarluni inuttaa tammigussaavoq.

Ambulancit, qatserisartut politiillu sumiiffimmut ornigupput, tassanilu aquttoq aqqunartitingaatsiarsimasutut nalilerneqarpoq.

Inuk ambulancinit napparsimmaviliaanneqarpoq, politiillu paasissutissaataat naapertorlugit peruluttut uninngaviannut unitsinneqarluni.

Biilimi allanik ilaasoqanngilaq, ajutoornermullu atatillugu allanik ajoqusertoqarani.

Kalaallit Nunaanni politiit qanigisaasut eqqarsaatigalugit suliamut tunngatillugu allamik oqaaseqarsinnaanngillat.

Angutip ilaqutai kalerrinneqarput.