Angut kisimiilluni biilinik Nuummi ajutoornermi kingorna unitsinneqartoq

Inuk ataaseq biilimik ajutoornermi aqqunartitingaatsiarpoq. Maanna Nuummi napparsimmavimmi peruluttut inaanni uninngavoq.
Angut 21-nik ukiulik biilimik aquttuuvoq. Assi © : KNR
Allattoq Ivik Kristiansen
oktobarip 14-at 2021 11:54

Politiit biili Nuummi Fiskerbymi ajutoortoq pillugu unnuaq nalunaaqutaq 01:04 nalunaarfigineqarput.

Angut 21-nik ukiulik biilimik aquttuuvoq. Angutip ilaqutai kalerrinneqareerput.

Biili 400-rtalimmi assakattartoq takuneqarsimavoq.

Ambulancit, qatserisartut politiillu ornigoqquneqarput, apuukkamillu aquttoq ajoquserujussuarsimasutut nalilerpaat.

Inuk ambulancenit napparsimmaviliaanneqarpoq, politiillu paasissutissaataat naapertorlugit, peruluttut inaannukaanneqarluni.

Biilimi allanik ilaasoqanngilaq, ajutoornermullu atatillugu allanik ajoqusertoqarnani.

Politiit ilaqutaasut eqqarsaatigalugit pisoq pillugu oqaaseqarnerorusunngillat.