- Aaqqissuinermi uani taama amerlatigisut tunillatsisimanerat tupaallannarpoq, akiuussitissalli 100 procentimik illersuutaasinnanngitsut ilisimavarput, Paneeraq Noahsen oqarpoq.Ass.: KNRAssi: KNR

Nuummi aaqqissuinerup kingorna corona kommunenut tamanut tuniluuppoq

Nuummi aaqqissuinerup kingorna coronap kommunenut tamanut tuniluunnera nakorsaaneqarfimmit tupaallaatigineqarpoq.

Kalaallit Nunaanni ullumi tunillatsissimasut 26-t nassaarineqarput, tamannalu sapaatip akunnerani kingullermi Nuummi aaqqissuussinermut peqataasut amerlasuut coronamik tunillatsinnerannik pissuteqarpoq.

AAMMA ATUARUK https://knr.gl/kl/nutaarsiassat/ullumi-corona-pillugu-kisitsisit-tunillatsittut-nutaat-26-t

Aaqqissuussinermut peqataasut kommunenut najugaqarfimminnut angerlakaammata corona kommunenut tamanut tuniluutilersimavoq. Nakorsaaneqarfimmiit Paneeraq Noahsen taamatut KNR-imut oqaluttuarpoq.

- Ulluni arlalinni Nuummi ataatsimiinneq kommunenit tamaneersunik peqataaffigineqarpoq. Peqataasut tamarmik naammassillutik akiuussutissamik kapitittarnikuugaluarput, taamaammat naammassillutik akiuussutissinneqarsimasut akornanni tunillatsittut amerlaqaat, taanna oqarpoq.

Tunillatsissimasut taakkua naammassillutik akiuussutissinneqarsimagaluartut, suli akiuussutissamik kapitinnikuunngitsut tunillatsikulanerupput. 

Nakorsaaneqarfiup tupaallaatigaa

Ataatsimeeqataasut tamarmik naammassillutik akiuussutissamik kapitittareersimagaluartut akorngini taama tuniluuttoqarsimatiginera, nakorsaaneqarfimmit tupaallaatigineqarpoq.

- Aaqqissuussami uani taama amerlatigisut tunillatsissimanerat tupaallannarpoq, akiuussutissalli 100 procentimik illersuutaasinnaannginnera ilisimavarput, Paneeraq Noahsen oqarpoq.

Piffissap ingerlanerani akiuussutissap illersuutaasinnaajunnaariartuaartarnera pissutigalugu, inuit sanngiinnerit akiuussutissamik pingasoriarlutik kapittarnissaat aalajangerneqarpoq.

- Piffissap ingerlanerani akiuussutissap illersuutaasinnaanera annikilliartortarpoq, ingammik utoqqarni 65-it sinnerlugit ukiulinni, taamaammat taakkua pingasoriarlutik kapitittarnissaat neqeroorutigaarput, pitsaanerusumik illersorneqarsinnaaqqullugit, Paneeraq Noahsen oqaluttuarpoq. 

AAMMA ATUARUK 65-ileereersimasut tamarmik pingajussaanik kapitingajalersut

Nakorsaaneqarfimmit nalunaarutigineqarpoq, 2022-p ingerlanerani kikkut tamarmik pingasoriarlutik akiuussutissamik kapitittarnissaat pilersaarutaasoq.

Taamaammat maannakkorpiaq tuniluuttoqarpoq

Sapaatip akunnerini kingullerni Kalaallit Nunaanni coronamik tunillatsissimasut malunnaatilimmik amerliartornikuupput. Soorlu oktobarip ulluisa tallimaanni 58-it tunillatsissimapput, ullumikkullu 81-it tunillatsinnikuullutik. 

Nappaammilli tunillatsittut amerliartornissaat ilimagineqareernikuuvoq, Paneeraq Noahsen oqaluttuarpoq.

- Sila nillertikkaangat isersimanerusarpugut. Killilersuinerillu aamma qasukkarneqarmata amerlaneruluta kommuneni tamani katersuussinnaalerluta. Taamaammat amerlanerit tunillatsinnissaat ilimagereernikuuarput, ukiuuneranilu amerlanerit tunillatsinnissaat aamma ilimagalutigu.

Tunillatsissimasut Komuunikkaarlugit agguaqatigiissillugit, kisitsisit imatut isikkoqarput:

  • Avannaata Kommunia: 3
  • Kommune Qeqertalik: 1
  • Qeqqata Kommunia: 21
  • Kommuneqarfik Sermersooq: 55                     
  • Kommune Kujalleq: 1

 

Nunatsinni coronavirusi pillugu
killiffik

Tunillatseqqasut 300  
Ullumi tunillatsittut 124  
Siullermik kapitissimasut 71%  
Aappassaa kapitissimasut 66%  
Tunillanneqarsimasut 1456  
Uninngasut 1  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Novembarip 29-at 13:15
 

Coronavirusimik tunillatsinissaq pinaveersaaruk