Nuuk Snow Festival ullumik ataatsimik sioqqutsilluni naammassineqarpoq

Silarsuaq kisimi naalagaavoq, erinarsuutit tusallattaakkatta ilaat taamatut aallartippoq, tamannalumi ulluni makkunani misigivarput, ingammik apummik ilusilersuisut Nuummi malugivaat.
Allattoq Jaaku Lyberth
marsip 22-at 2008 13:23

Nuummi ippassaq issangialerpoq siallilerlunilu.

Nuummi apummik ilusilersuineq Nuuk Snow Festival blok P-ip atuarfiullu Ukaliusap eqqaani ingerlanneqarpoq. Apummik ilusilersuinermik unammineq aqagu aatsaat naammassineqartussaagaluarpoq, siallernerali pissutigalugu unammineq ullumi naammassineqarpoq.

Apummik ilusilersuilluni unamminermi 40-it peqataapput, suleqatigiit qulingiluaallutik. Ilusilersukkat takuniaraanni tuaviortariaqarpoq, Nuummi issangiarluni siallilertarpoq aatsinnagillu takusariaqarlutik, apummik ilusilersuinermik aaqqissuusseqataasoq Flemming Nicolaisen radioaviisimut oqaluttuarpoq.

Ilusilersukkat ilaat – Igloo mik taaguuserneqarsimasoq aalluni nakkaappoq.

Nuuk Snow Festival-imi ajugaapput Qaanaameersut – Qillaq Danielsen siuttoralugu apummik ilusilersuisut

Ilusilersugartik taasimavaat "Aqissiarsuaq".

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq