Nuuk - Sinerissap sinnera 5-0

Naak Inuit Ataqatigiit qinigassanngortitaasa sapaatip akunnerata naanerani ilisaritinneqarnerminnut atatillugu sineriak tamakkerlugu aggerfigineraraluaraat, ullumikkut assigiissuteqarput. Tassa tamarmik Nuummi najugaqarnertik assigiissutigigamikku.

IA-p qinigassanngortitai taamaalilluni Siumup qinigassanngortitaannit ataatsimik sinerissaminngaanneersortaqartunit allaanerussuteqarput. Aammami Atassutip qinigassanngortinniakkatik Nuummeersuinnaanatik sinerissamit tamarmeersuunissaat ilimasaarutigereerpaa.

Kuupik Kleistip qinigassanngortitatik tamarmik Nuumminngaanneersuunerat uggornartuunerarpaa.

- IA-mi periuserivarput qinersisoqassagaangat immikkoortortaqarfigut kajumissaartarlugit qinigassanngortitassaminnik inassuteqaqqullugit. Tamakkualu inassutigineqartut siulersuisuunernut apuunneqaraangata siulersuisuunerit aalajangertarput kikkut qinigassanngortissanersut, oqarpoq.

Tamatumuunali qinigassanngortinneqartut tamarmik Nuumminngaanneerput.

- Soorunalimi uggornarpoq Nunap sinneraninngaanniit qinigassanngortittoqanngimmat. Kisianni uku qinigassanngortinneqartut ugguaatissaanngilluinnarput, Kuupik Kleist erseqqissaavoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat