ASSIT & VIDEO Piniartoq Nuummeersoq nannumik pernarpoq

Aqqaluk Sermitsiap ungasinngisaani angalaartilluni, Kuanninnguit eqqaani nannumik siumuisoqarsimasoq raatiuaqqakkut nalunaarfigineqarpoq.

- Nanoq taanna eqqissisimarpasilluni pingami, nalunnera kusanartorujussuuvoq, taavalu nannumik aatsaat nammineq isinnik takulluni, nallorittorujuusoq iluserillunilu, periusaalu takorannerluni. Tassa nuannertorujussuuvoq. Qulakkeerlugu nammineq pisissarilerlugu nuannertorujuuvoq, qanorluunniit oqassanerlunga naluara.

Aqqaluk Lothsen aalisartutut piniartutullu inuussutissarsiuteqarpoq, ullorlu taanna nannumik pisaqarnissamut akuersissutilittatuaasimalluni. Tassami nalunartut pillugit nannunnissamut akuersissummik ukiut tamaasa qinnuteqartarpoq. 

- Immami naluttoq angoriarlugu tassa aallaavara. Ataasiarlunga aallaavara qungasiatigut.

Takuuk:

Nanoq arnaviaq 1.94 meterimik angissusilik qaqikkamiuk Nuummi umiarsualivimmukaallugu pilakkiartorpaa. 

Pilareerlugu neqaa napparsimaviliaappaa, nakorsamit misissorneqarniassammat. 
Neqaa ajunngitsumik nalilerneqarpoq.

- Nuannertorujussuuvoq, eqqumiittorujussuuvoq, tassami soorlu  eqqarsarnarluni "aali uanga".

Aqqaluk Lothsenip 37-inik ukiullip Uummannarmiuusup, Nuummulli nuunnerusup, nannuttani tamaat, tassa amia neqaalu, nammineq pivaa.

- Tassa paarivakka, perngartaammat ilaquttakka aamma nalunngisakkalu ussiisikkusullugit. 

Sisimiuni, Maniitsumi, Nuummi Paamiunilu piniartut katillugit pingasunik ukioq manna nannuttassaqarput.

Aqqaluk Lothsenillu pisani Kommunimut Namminersorlutik Oqartussanut nalunaarutigeersimavaa.