Nutaamik takornarniartitseqatigiiffeqalissaaq

Ilulissani ukiortaamiit nutaamik takornarniartitseqatigiiffeqalissaaq.

Ilulissat Travel aamma Kalaallit Nunaanni Angalatitseqatigiiffiup Ilulissani immikkoortortaa, Grønlands Rejsebureau/Incoming, ulluinnarni immikkut aallutatik ataatsimoorullugit ingerlatilissavaat – takornarniartitseqatigiiffik taanna taaguuteqassaaq World Of Greenland.

- Baltimore-miit takornarniarpassuarnik tikittoqartalernissaa naatsorsuutigaarput, takornarniallu aamma amerlasuut umiarsuarsuit aqqutigalugit tikittalernissaat qularutiginngilarput, tamanna piareersimaffigisariaqarparput, takornarniartitseqatigiiffissami pisortaaninngortup aappa, Esben Andersen oqarpoq.

Esben Andersen aamma Klaus Andersen ataatsimoorlutik ukiup aaffa siulleq ulluinnarni ingerlatsisuussapput. Klaus Andersen Danmarkimut juulip ulluisa aallaqaataanni aallartussaavoq.

Takornarniartitseqatigiiffissaq Kalaallit Nunaanni Angatitsiviup Ilulissani maanna inissisimaffianiissaaq.

World of Greenland pingasunik ingerlatsissaaq – pisiniarfeqassaaq kusanartulianik eqqumiitsulianillu nioqquteqartussamik, unnuisarfik ingerlanneqassaaq taavalu Eqip sermiata eqqaaniittoq aallarsimaartarfik aamma ingerlatissavaa.

Suliffeqarfinni maanna sulisorineqartut takornarniartitseqatigiiffimmi aamma sulisorineqassapput.