NUSUKA: Inuussutissarsiutitigut anguniakkat nukittorsarneqartariaqarput

Naalakkersuisut inuussutissarsiutit pillugit naalakkersuinikkut anguniagaannut tunngatillugu nunatsinni sanaartornermik suliassanik tamanik isumaginnissinnaasut kalaallit suliffeqarfiutaat angisuut akunnattullu inerisaavigineqartariaqartut, sulisitsisut kattuffiata, NUSUKA-p oqaaseqaatigaa.
oktobarip 01-at 2009 08:51

Sanaartornermut aningaasaliissutit amerlavallaat inuiaqatigiinnut, aningaasaqarnermut, ilinniartitaanermut suliffissaqartitsiniarnermulluunniit tutsinneqarnatik, nunamit anninneqaannartartut NUSUKA-p siulittaasua Gert B. Lynge isumaqarpoq.

Sanaartornermi pisortat aningaasaataat ilaatinneqartillugit sulilluni misiliisussanik atorfinitsitsisarneq pillugu suliarinnittussarsiuussisarneq pillugu nalunaarummi piumasaqaatit, sulilluni misiliinissamut inissat amerlanerulersinnaaqqullugit, sukaterneqartariaqartut isumaqarpoq.

Taamatuttaaq Danmarkimik niueqatiginnittarnermik periuseq ilisimaneqartoq atorneqarunnaartariaqartoq isumaqarpoq.

- Nerisassanut tunngatillugu tamanna aamma atuuppoq. Nunap aningaasaqarneranut iluaqutaasumik kalaallit nerisassaataat peqqinnartut inerisaavigineqartariaqarput, taama oqarpoq sulisitsisut kattuffiata NUSUKA-p siulittaasua, Gert B. Lynge.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq