Nusuka: Ajornartorsiutit aalisagartassiinerunikkut aaqqinneqarsinnaapput

KNAPK-p siulittaasuata Leif Fontainep aalisakkeriviit nunani allamiunik sulisulersornerunissaasa iluaqutissartaqarneranik nalunaaruteqarneratigut, aalisartut piniartullu kattuffiata nunatsinni ajornartorsiut pingaarutilik oqallissaarutigivaa. Suliffissaaleqineq sulisunillu ilinniarsimasunik amigaateqarneq. Halibut Greenland ip siunnersuutigaa suliumanngitsut ikiorsiissutinik tunineqartassanngitsut.
Allattoq Peter Troelsen, Simon Uldum
maajip 10-at 2013 06:50

Jess. G. Berthelsenip SIK-meersup tamanna eqqortuunnginnerarpaa, oqaatigalugulu suliffissaaleqisut isumaginninnikkut ikiorsiissutinik arsaartorlugit sulilersinnissaat peqqinnartuunngitsoq. Nunarsuup sinnerani taamaaliortoqartaraluarpoq, Nunatsinnilu taamaattoqarani.

Sulisitsisut Kattuffiat, Nusuka, sulisussaaleqinerup aaqqiiviginiarneqarnissaanut allaanerulluinnarmik siunnersuuteqarpoq. Aalisagartassiissutit qaffanneqarlik, taava nunatsinni aalisakkerivinni sulisut ataavarnerusumik sulisinnaanngortinneqassapput. Tamanna ajornartorsiummut aaqqiissutaasinnaavoq.

Nusukap siunnersuutigaa, SIK-p kommunit ataatsimeeqatigissagai, aalisartunullu pisassiissutit qaffannerisigut sulisussaaleqinerup aaqqiiviginiarneqarnissaanut qanoq iliortoqarsinnaanersoq eqqartorlugu. Aaqqiissutissatut siunnersuutit amerlaqaat, aaqqiissutissarli suli nassaarineqarani.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq