Nunavut: Meeqqat angerlarsimaneranni filmi ilinniarfigissavaat

Naggueqatigiit Inuit kulturiat Inuktitullu oqaatsit pillugit ilisimasat meeqqanut ilinniartitsissutigineqarnissaat Nunavummi suliniaqatigiiffiup sulissutiginiarpaa.
Meeqqanut isiginaagassialiat Nunavummi corona peqqutigalugu meeqqat atuarfiisa matoqqanerisa nalaanni meeqqanut ilinniutaassapput. Assi © : Nunavut Bilingual Education Society
Allattoq Marianne Stenbæk, Montreal, Canada
maajip 31-at 2020 16:06
Nutserisoq Jaaku Lyberth

Nunavut Bilingual Education Society, tassa marluinnik oqaasillit Nunavummi suliniaqatigiiffiat tv-qarfimmik meeqqanut pilersitsipput.

TV-qarfik tassaavoq Ilinniarutit TV, nagggueqatigiillu Inuit kulturiat, kinaassusaat oqaasiillu ilinniartitsissutigineqarnissaat anguniagaralugu.

Aallakaatitat meeqqanut suli 1.klassemi atualersimanngitsunut sammipput, atualernissaannullu piareersaatitut aallakaatitassiaallutik.

Filmit titartakkat oqaluttuassartallit erinarsornertallillu atorlugit naggueqatigiit Inuit oqaluttuaat oqaluttuatoqaallu ilinniartitsissutigiitigalugit Inuktitut oqaasiinik ilinniartinneqartarput.

Inuktitut naqinnerit eqqortumik qanoq taaneqartassanersut ilinniartitsissutigineqartarpoq, angajoqqaallu aamma ikiorneqartarput taakku meeqqatik aamma ikiorsinnaaniassammassuk.

Coronap ajornartoortitsileruttornerata nalaani Ilinniarutit iluaqutaalluarput, meeqqammi ulluni makkunani angerlarsimaannaqquneqartut susassaqartinneqarput, aliikkutariitigalugulu naggueqatigiit Inuit kulturiat pillugu ilinniagaqarnerusinnaallutik.

Filmit titartakkat Ilinniarutit TV-mi isiginnaarneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq