Nunavummi nunaqarfiit isorinnipput

Nunavummi nunaqarfiit Nunavummi oqartussat peqqinnissaqarfimmik ukiuni kingullerni qulini aqutsinerat pitsagivallaanngilaat:

- Ukiut kingulliit qulit qiviassagutsigit takusinnaavarput ajornartorsiuterpassuaqartoq, taakkualu ajorseriaannarsimapput, Ron Mongeau, Pangnirtuumik Qeqertaalummiittumik aqutsisoq oqarpoq, nangillunilu:

- Uangaalluni naalakkersuisut tikkuarlugit ima oqarnissaq ajornakusooqaaq: "Tassa aajukua ajornatorsiutaasut", Mongeau oqarpoq.

Nunavummi kommunit kattuffiat Nunavummi oqartussanik maajimi assuarliuteqarpoq, peqqinnissaqarfimmik aqutsinerlunnerarlugit, namminnerlu aqutserusunnertik oqaatigalugu.

Nunavummi oqartussat kommunit piumasaqaateqarnerannut suli akissuteqanngillat, akissuteqassamaarlutilli:

- Akissummik piareersaasoqaleruttorpoq, Pam Coulter, Nunavummi oqartussanit oqaaseqartitaq oqarpoq.

Nunavummi peqqinnissakkut ajornartorsiortoqartoq, ilisimatuussutsikkut nalunaarusiarpassuit takutippaat.

Nunavummi naggueqatigiit Inuit akornanni innuttaasut sisamararterutaat sinnerlugit pualavallaarput, meeqqallu toqungallutik erniusartut, Canadap sinneranut naleqqiullugit pingasoriaammik amerlanerusut, tuluit ilisimatuuisa nalunaarusiaanni oqaatigineqarpoq.