Nunavummi 60-it angullugit issittoq

Canadap avannarpasissortaani ulluni kingullerni issittorujussuuvoq.

Nunavummi nunaqarfinni arlalinni ukioq issittorujussuulluni aallartippoq. Ilaatigut Ellesmere Islandimi Aujuittumi issittorujussuuvoq. Nunaqarfik nunarsuarmi najugaqarfinni issinnerpaasartut ilaanniippoq, Canadamilu nunaqarfinni avannarpasinnersaajulluni.

AAMMA ATUARUK Aqqusinissap Nunavut Canadap sinneranut atassusissavaa

Aujuittuq issittarmat taama taaguuseqarpoq, ukioq mannalu issittorujussuuvoq.

Anori ilanngukkaanni sapaatit akunnerata naanerani 60-it missaannik issippoq.

Taamaammat nunaqarfimmi najugallit aninissaat aarlerinarsinnaavoq. Aamma qimminut issippallaartoq ilaannit oqaatigineqarpoq.

Qeqertaluummi Kanngiqtugaapimmi sapaatit akunnerata naanerani 50-inik issippoq, tamannalu qerutsitsiaarsinnaavoq. Januaarilu aatsaat aallartimmat, suli issinnerulersinnaavoq.