Sikutigut ukiornerit tamaasa 1980-kkunnili aqqut TV-kkut aallakaatitassiamit Ice Road Truckersimit ilisimaneqartoq aqqusinermit ukioq tamaat aqqutigineqarsinnaasumit taarserneqassaaq.Assi: Flickr

Aqqusinissap Nunavut Canadap sinneranut atassusissavaa

Nordvestterritoriet planlægger at bygge en helårsvej hen over territoriet over mod Nunavut. Den skal erstatte den isvej, som mange kender fra TV-serien Ice Road Truckers.

Radioqarfik Cabin Radio naapertorlugu, Canadap naalakkersuisuisa Tibbit Lakemit Yellowknifep avannaaniittumi Nunavut tungaannut Lockhart Lakemut aqquserngiornissamut pilersaarusiornissamut siullermut 14 millionit koruuninik aningaasaliissallutik sapaatit akunnerata siuliani nalunaarutigaat.

Aqqusinissap tassanngaanniit Nunavut killeqarfia qaangilaarlugu Contwoytomut tallilerneqarnissaa pilersaarutigineqarpoq.

Aqquserngiornerup immikkoortuata siulliup ukiunik tallimanik sivisussuseqarnissaa millionerpassuarnillu akeqarnissaa ilimagineqarpoq.

Sikutigut ukiornerit tamaasa 1980-kkunnili aqquteqartarpoq. Aqqut TV-kkut aallakaatitassiamit Ice Road Truckersimit ilisimaneqarpoq.

Aqqulli ukiornerit tamaasa sanaqqinneqartartussaavoq, siku aqqutigineqarluarsinnaanngikkaangat ajutoorfiugajuttarluni taavalu taamaallaat februaarimit marsimut aqqutigineqarsinnaasarluni.

Sikutigut aqqut lastbiilit annersaannit oqimaatsunik, soorlu solarimik sanaartornissamullu atortussanik, usilinnit ingerlaffigineqartarpoq.

Taassumalu ukioq tamaat aqqutigineqarsinnaasumik taarserneqarnissaa ingammik aatsitassarsiortunit taperserneqarpoq. Aqqusineq naammassippat, Nunavummit Canadap sinneranut kiisami aqqusineqalissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat