Nunavumi Imigassanik tuniniaasinnaanermut inatsisit sakkukillisinneqarput

Imigassanik tuniniaasinnaanermut sassaalliisinnaanermullu Nunavummi inatsisit sukangaqisut sukannerpallaarunnaarnissaat pillugu inatsisissatut siunnersuut, Nunavummi naalakkersuisut akuersissutigeqqammerpaat.
Allattoq Nutaarsiassaqartitsivik / Nyhedsredaktionen
septembarip 23-at 2013 07:02

Iqaluit avataanni illoqarfiit isorliunerusullu taamaalillutik aalakoornartortalinnik tuniniaasinnaalerlutillu sassaalliisinnaanngorput. QMI Agency nittartakkamini taama allaaserisaqarpoq.

Imigassanik tuniniaasinnaanermut inatsisit sukangaqisut Northwest Territoriesimeersut, Nunavummiut 1999-imili namminersornerulernerminni atuutsilerpaat.

Imigassanik tuniniaavituaq Iqalunniippoq. Illoqarfinni isorliunerusunilu allani sassaalleeqqusaasoqanngilaq, aalakoornartortalinnillu pisiniaraanni Canadami nunap immikkoortuisa ilaannit annikitsuinnarnik tikisitsisoqarsinnaavoq. Nunavuup ilaanni imigassamik tuniniaasoqanngilaq.

Inatsisissatut siunnersuut Bill 64-imik taaguutilik pingasunngormat akuersissutigineqarpoq. Nunavummi nunap immikkoortuini imigassamik misiligutitut maanna tuniniaasoqarsinnaalissasaq.
Pisiniarfiit inissisimaffissaat Nunavummiut namminneq aalajangertassavaat, soorlu aamma ammasarfiit, killiliinerit, tuniniaanerullu tuniniaaffiusumut ajornartorsiortitsinnginnissaanut suliniuteqartoqartartussaalluni.

Innuttaasut imigassamik annertunerusumik eqqussisinnaanngussapput, anngiortumillu eqqusseriarnerit sakkortunerusumik akilisiitaaffiusinnaanngussallutik.

Imigassamik tuniniaaffiunngitsut attatiinnarneqarsinnaanissaat, nunap immikkoortuini innuttaasut namminneq aamma aalajangersinnaassavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq