Assi: Jonas Fievé/KNR

Nunatta Savalimmiullu kiffaanngissuseqarnerusumik periarfissaqarnissaat Løkkep misissorniaraa

Nunatta Savalimmiullu nunanut allanut politikkikkut ingerlatsinissamut amerlanerusunik periarfissaqarnissaat danskit ministeriunerata misissuiffigissallugu piareersimaffigaa.

Lars Løkke Rasmussenip Folketingimi marlunngormat oqallittoqarnerani tamanna oqaatigaa, nittartagaq Sermitsiaq.AG taama allaaserisaqarpoq.

Ullumikkutut inissisimasoqartillugu, Nunatta Savalimmiullu suliassaqarfiit oqartussaaffigilersimasatik pillugit pisussaaffiliisumik isumaqatigiissusiorsinnaatitaapput. Danmarkili naalagaaffittut suliassaqarfiit sinnerini suli isumaqatigiinniartussaallunilu isumaqatigiissusiortussaavoq.

Taamatullu aaqqissuussisoqarsimanera annertusineqarsinnaanngitsoq Lars Løkke Rasmussenip arlaleriarluni oqaatigisimavaa.

Aaqqissuussinerli annertusineqarsinnaanersoq misissussallugu ministeriunerup maanna piareersimaffiginerarpaa. Taamaammat naalakkersuisut siulittaasuata, Kim Kielsenip, Savalimmiormiullu lagmandiata Aksel V. Johannesenip, naalagaaffeqatigiinneq pillugu ukiumoortumik Bornholmimi juunip qaammataani ataatsimeeqatiginerini tamanna eqqartorneqartussanngorpoq.

- Savalimmiut Kalaallit Nunaatalu akuuffigisaannik arlaatigut aaqqiagiinngissuteqaleriataannginnerani tamatuma oqaloqatigiissutigineqarnissaa piffissaagallartillugu isumatusaarnerussaaq, Lars Løkke Rasmussen taama oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat