Video: Nunatta kujataani timmisartup nakkarnerani annaassiniarneq takuuk
Timmisartuaraq marlunnik timmisartumik ingerlatsisoqartoq Qaqortup kujataa-kangiatungaani imaanut ataasinngormat nakkarpoq.
Timmisartumik ingerlatsisut tamanna sioqqutilaarlugu Flight Information Center Nuummut aamma Issittumi Sakkutooqarfimmut ”MAYDAY”-imik nalunaaruteqarsimapput.
Taamaammat timmisartup Challengerip timmisartuaqqap sumiiffia nassaaripallassinnaallugulu timmisartup imaanut nakkarnera timmisartumit malinnaaffigisinnaavaa.
Timmisartumik ingerlatsisut marluk ajornartoornermi imaanut minnermi kingorna annanniummut ikisimapput. Tassanngaanniillu timmisartumut Challengerimut umiarsuarsuup alapernaarsuutip Tritonip sumiiffimmut apuunnissaata tungaanut sumiiffimmiiginnartumut aalaterisinnaallutik.
Timmisartumi Challengerimi inuttat minuttinit pissanganartorsiorfinnit videoliaq maanna tamanut saqqummiuppaat.
Sakkutuut timmisartuisa immikkoortortaqarfiat, Air Transport Wing Facebookikkut allappoq:
- Nuummi Issittumi Sakkutooqarfimmi qullersaqarfimmiut, Issittumi Sakkutooqarfimmi aqutsisunit aallartitat: Sakkutuut timmisartortartut Sakkutuut imarsiortullu immikkoortortaapput tamarmik annaassiniarnermi suleqatigiilluarnikkut suliaqarluarnermik takussutissiisutsialaat.
- Timmisartoq Challengerimi aamma Tritonimi inuttat suliaqariataarsinnaanikkut suleqatigiilluarsinnaanikkullu taamaasillutik inuit marluk annaanneqarput.
