Nunatta Danmarkimut tunniunneqarneranit ullumikkorpiaq ukiut 200-t qaangiupput
Kalmarunionen tassaasimavoq kunngeqarfiit nunat avannarlerniittut pingasut Danmarkip, Norgep Sverigellu iligiillutik peqatigiinnissamik isumaqatigiissutaat. Kunngeqarfiit taakku ataatsimoorussamik kunngeqarlutik kattupput nunanullu allanut illersorniarlutik suleqatigiillutik.
Kielimi januaarip 14-iani 1814-imi eqqisseqatigiinnermi Danmarkip Napoleonip piffissami 1807-14-imi sorsunneranut peqataanerata killigaa. Holstenimi illoqarfimmi Kielimi isumaqatigiissut Danmarkimit illuatungaanilu Sverigemit Tuluit Nunaannillu atsioqatigiissutigineqarpoq. Tassanerpiluarlu Kalaallit Nunaat Danmarkimut tunniunneqarpoq.
Danmarkip pisussaaffilerneqarpoq Napoleonimut akersuunnermi iligiinnut ilanngutissasoq, Sverigemiullu naalagaaffiit Danmarkip sorsuffigisaanut attaveqarneq isumagisarilerpaa.
Danskit isumaqatiginniartartuata isumaqatigiissummi § 4-mut manna ilanngutissallugu iluatsippaa, "Kalaallit Nunaat, Savalimmiut Islandilu isumaqatigiissummut ilaatinneqanngillat". Qeqertat Norgemit pigineqartut Norgep 1380-imi iligiinnut ilanngunneratigut kunngeqarfimmit pigineqalersimapput. Qeqertat taakku Norgemit Danmarkimut taamaasillutik 1814-imi tunniunneqarput.
Kielimi eqqisseqatigiinnissamik isumaqatigiissuteqarnikkut nunasiat Norgemit Danmarkimut januaarip 14-iani 1814-imi pisortatigoortumik tunniunneqarput.