Aviisi: Nunatta Danmarkillu USA-p ataatsimeeqatiginissaa ukiuni arlalinni taamaatiinnartarsimavaat

USA-p Permanent Commiteemi taagorneqartumi ataatsimeeqatiginissaa Danmarkip Nunattalu ukiuni kingullerni pingasuni pinngitsoortittarsimavaat. AG taama allaaserisaqarpoq.

Nunat pingasuusut sinniisui Permanent Committeemi ukiumoortumik ataatsimeeqatigiittarput amerikamiut Nunatsinniinnerat - Pituffik - oqaloqatigiissutiginiarlugu, Joint Committeelu ilaatigut USA-p naalagaaffeqatigiillu akornanni ilinniartitaanermut, avatangiisinut takornariartitsinermullu tunngatillugu nukittorsaanissaq siunertaralugu pilersinneqarsimalluni.

Naalakkersuisulli danskillu naalakkersuisui komitenut pineqartunut 2014-imili ataatsimiigiaqqusisimanngillat.

Pituffimmi kiffartuussinissamik isumaqatigiissutip saniatigut isumaqatigiinniutigineqarsimanera pissutigalugu taama pisoqarsimasoq, Namminiilivinnermut, Nunanut Allanut Nunalerinermullu Naalakkersuisoqarfimmi pisortaq, Jacob Isbosethsen, AG-mut taama oqarpoq.

AAMMA ATUARUK Pituffimmut aningaasaliinermi Kalaallit Nunaat akuutinneqartussaagaluarpoq

-Pituffimmi sakkutooqarfimmi immikkuualuttunik sullissinissamik isumaqatigiissummik isumaqatiginninniartoqartillugu 2015-imi Permanent Commiteep aggersarneqannginnissaa danskinit kalaallinillu aalajangerneqarpoq. Tamatumunnga pingaarnernik paasiuminartunillu pissuteqarsimavoq, pisortaq taama oqarpoq.

Jacob Isbosethsenili naapertorlugu Permanent Committeemi ataatsimiittarnerit aallarteqqinnissaat aalajangiunneqarsimavoq, Joint Committeemili ataatsimiittarnerit pinnagit.

Komitemi ataatsimiinnerit kingulliit kingorna, Pituffimmut assartuussinissaq pillugu RAL-imut isumaqatigiissutaasoq amerikamiut ingerlatseqatigiiffiannut tunniunneqarpoq. Aamma USA-p Nunarput Danmarkilu ilisimateqqaarnagit Pituffimmi radarimik malunnaatilimmik nutarsaasimasoq kingorna paasineqarpoq.

AAMMA ATUARUK Pituffimmi radari nutarsarneqartoq

AAMMA ATUARUK Nutarteriniarnermi paasissutissiinnginneq isumaqatigiissutaasimasunut unioqqutitsisoq

Taamatullu pisoqarsimanera Christiansborgimi Enhedslistenimit isornartorsiorneqarpoq. Danskillu nunanut allanut tunngasunut ministeriat suliaq pillugu isumasioqatigiinnermi apeqquteqarfiginiarpaa.

- Naalakkersuisut imminnut ajoquserujussuarnerannut aarlerinartoqartorujussuuvoq, USA-millu suleqateqarnerup taamaatinneqarneratigut ataatsimut ajornartorsiutit aaqqinneqarnissaanut periarfissarujussuit annaaneqarput. Tunuliaqutillu paasiteqqaarnagit aamma tamanna pivoq, Kalaallit Nunaannut tunngasunut oqaaseqartartoq, Christian Juhl, AG naaperrtorlugu taama oqarpoq.

AAMMA ATUARUK Kalaallit Nunaat pillugu ataatsimiititaliap nunanut allanut ministeri isumasioqatigerusukkaa

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat