Nunatta Danmarkillu futsalimik unamminerat KNR-ip aallakaatissavaa
Illup iluani isikkamik arsaannermik futsalimik taaneqartartumik Nunatta Danmarkillu sapaatit-akunnerata naanerani unamminissaat tv-kkut isiginnaarneqarsinnaassaaq.
Allattoq Inge S. Rasmussen
novembarip 04-at 2015 04:30
Nutserisoq Kerté Jeremiassen
Tamanna KNR-p, Nuuk TV-p avataaneersullu allat suleqatigiinnerisigut iluatsinneqarpoq.
Aaqqiineq ajunngilluinnarpoq, KNR-imi taama isumaqarput.
AAMMA ATUARUK Illup iluani isikkamik arsaattartut nunanut allanut unammisartuisa Danmark unammisaavaat
- Qularutigineqassanngilaq innuttaasunut TV-kkut aallakaatitassiorusukkatta. Taamaammat assut nuannaarutigaarput, Nuuk TV avataaneersullu suleqatigalugit inuillu suleqatigiissinnaasut atortorissaarutillu katersoriarlugit toqqaannartumik arsaattut aallakaatissinnaanngoratsigit, TV-mi pisortaasoq, Niels-Pavia Lynge oqarpoq.
