Nunatta avannaani assakaasut quasattorsiutit atorneqarsinnaanerat sivitsorneqartoq
Kalaallit Nunaanni Politiit Avannaata Kommuniani Kommune Qeqertalimmilu assakaasut quasattorsiutit juunip 15-iata 9-atalu tungaanut atorneqarsinnaanissaanut immikkut akuersissuteqarput.
Ittoqqortoormiini assakaasut quasattorsiutit juunip 21-ata tungaanut atorneqarsinnaapput.
Allattoq Mathilde Justesen Ranners
maajip 24-at 2023 14:08
Ukioqqippoq, nunatta avannaanilu kommunini aqquserngit aasaanerani assakaasunut quasappallaalerput.
Taamaammat Kalaallit Nunaanni Politiit Kommune Qeqertalimmi Avannaata Kommunianilu assakaasut quasattorsiutit atorneqarsinnaanerat juunip 9-ata aamma juunip 15-iata tungaanut sivitsorpaat.
Kalaallit Nunaanni Politiit tusagassiuutinut nalunaarummi paasissutissiipput.
Kommunini illoqarfinnilu allani assakaasut quasattorsiutit atorneqarsinnaanerat maajip aallaqqaataanut killeqarmat atorneqaqqusaajunnaareerput.
Ittoqqortoormiini assakaasunik quasattorsiutinik atuisinnaanermut juunip 21-ata tungaanut immikkut akuersissuteqarneq allanngunngilaq.
