Nunatta Ammerivia: paasisitsiniaaneq akeqarpoq
Puisit amiinik EU-mut eqqusseqqusinnginneq pillugu tusarniaaneq Great Greenlandimi iluarisimmaaneqaqaaq. Ammeriviup pisortaata Lars Bergip iluarisimaarpaa, nunatsinni puisinniarnerup illersorneqarsinaaneranik Europani pisisartut paasitinniarnerini EU-mi politikerit peqataarusunnertik nalunaarutigimmassuk.
- Nuannersumik tusaaneqarpugut, tapersersorneqarpugullu. Taava neriuppunga, tigussaasumik piffissami qaninnermi iliuuseqartoqassasoq. Uagummi kisimiilluta sulilassaq naammassisinaanngilarput, ikIorneqartariaqarpugullu, Lars Berg, EU Parlarmentip tusarniaanerani najuuteqqammisoq oqarpoq.
- Aningasanik immikkoortitsinissaq suliassani siullissariaqassaaq, paasisitsiniaaneq allartissinnaaniassammat. Tassalu paasisitsiniutigineqassaaq, tunisassiornerput illersorneqarsinanasoq, neriuppungalu aningaasat nassaarineqarsinnaasut, Great Greenlandip pisortaa, Lars Berg, oqarpoq.
