Nunatsinni timersoqatigiiffiit akisussaaffimmik annertuumik pigisaqarput
Kalaallit nunanut allanut unammisartui nunatsinni klubbineersuunerupput, sisamaannaat Danmarkimi klubbeqarlutik.
Nunatsinni klubbini piukkunnaatillit
Ineriartorneq taanna klubbinut Kalaallit Nunaanniittunut annertuumik akisussaaffimmik tunisivoq, piukkunnaatillit arlallit tamaani unammisartuummata, nunanut allanut unammisartut sungiusaasuat oqarpoq.
Aamma atuaruk Nunanut allanut unammisartut sungiusaasuata piginnaanillit nutaat isumalluarfigigai
- Kalaallit arsartartui annertuumik nersugassaapput, taamaakkaluartoq Kalaallit Nunaanni assammik arsartartut kattuffiata pilersaarutai aallarteriikkat malinnissaannut klubbinut akisussaaffimmik annertuumik tunniussisuuvoq, nunanut allanut unammisartut sungiusaasuat Niels Møller oqarpoq.
Klubbit nukittunerusut nunanut allanut unammisartut pitsaanerulersissavaat
Taassuma oqaatigaattaaq, kattuffik pisussanik arlalinnik pikkorinnernut nukittorsaataasussanik aallartitsereermat.
- Kalaallit klubbiisa pitsaassusaasa qaffassarnissaat anguniagaavoq, taamaaliornikkut nunanut allanut unammisartut pitsaassussaat qaffassammat.
Anginerullutillu nukittunerusariaqarput
Kalaallinut arsartartunut nalinginnaasuuvoq unammisaminnit nukilaannerusarnerisa ajornartorsiutaanera. Tamannali aaqqinniarneqarpoq.
- Nukittorsarnissamut aaqqissuussamik maanna ingerlatsisoqarpoq. Kalaallit piukkunnaatillit 14-inik 15-inillu ukiulinnit nukkassarnerat aallartisarneqarluni. Nunarsuarmimi pissartanngorniuunnissanut Kalaallit Nunaata anngussinnaanera periarfissaammat, Niels Møller oqarpoq.
Aamma atuaruk Nunatsinni assammik arsallaqqinnerpaat Nuummi sungiusarput
VM-ilu tassaavoq anguniakkat annersaat. Tamanna amerikap nunavittaani assammik arsarluni unammersuarnerni anguneqarsinnaavoq, Argentinamilu 2015-imi ingerlanneqassalluni. Piumasaqaat tassaavoq pikkorinnerit pingasut akornanni inissinnissaq VM-mut annguttoqassappat.
Unammisassallu sakkortoqaat, Kalaallit Nunaanniillu unammisartut nunat assammik arsartartullit annerusut pikkorissorsuit unammisassaannut ilaapput.
Amerikap nunavittaani assammik arsarluni unammersuarnerit Nuummi
Niels Møllerillu neriuutigaa, Kalaallit Nunaanneersut 2018-imi namminneq unammisarfimminni unammilerunik periarfissagissaarnerussasut. Kissaataavormi, Amerikap nunavittaani assammik arsarluni unammersuarnerup Nuummi 2018-imi ingerlanneqarnissaa.
- Takorluugaraarput, sivisuumillu pigisimavarput. Nuannernerpaassagaluarpormi timersornikkut pitsaassutsini annerpaat ilaannik internationaliusumik Nuummi unammersuartitsisinnaagaluarutta. Tassanilu assammik arsartartorpassuit peqataassapput. Takorluugaraarput, sivisuumillu takorluugarisimallutigu. Angujuminaatsuunngilaq, piviusunngortinnissaalu sulissutigaarput, Nunanut allanut unammisartut sungiusaasuat Niels Møller taama naggasiiivoq.
