Nunatsinni tamarmi oqarasuaatit attaveqanngillat. Toqqorsivimmit asseq.Assi: Matt Madd/Flickr Creative Commons

Nunatsinni tamarmi oqarasuaatit angallattakkat attaveqanngitsut

Nunatsinni tamarmi oqarasuaatit angallattakkat attaveqanngimmata, politiit oqarasuaatikkut attaveqarfigineqarsinnaanngitsut, Nunatsinni Politiit ilisimatitsipput. Taamaammat takkulluni attaveqarfigisassaapput.

Nunatsinni tamarmi oqarasuaatit angallattakkat marlunngornermi ullaakkut attaveerupput. 

Tusass KNR-imut taama ilisimatitsipput.

Sumi tamaani sivikitsumik attaveqaleriartartarsinnaavoq, nunali tamarmi sunnersimaneqarpoq.

Tusassip attaveqaatit atorneqarsinnaaqqilerpata inuiaqatigiinnut pingaaruteqartut salliutissavai.

Taamaammat inuit politiinut attaveqarniarunik orniguttariaqartut, Nunatsinni Politiit ilisimatitsipput.

Aamma Nuummi peqqinnissaqarfik attaveqarfiginiaraanni, nammineerluni takkunnissaq pisariaqartoq, nunap immikkoortuini nakorsat pisortaat Jesper Olsen oqarpoq.

Taassumali nunatt sinnerani pissutsit qanoq innersuy oqaatigisinnaanngilaa.

Innaallagiaarunnersuaq

Nuuk ippassaq unnukkut aqqarnup misaanili innaallagiaruteqqanerani oqarasuatit angallattakkat attaveerupput.

 

AAMMA ATUARUK Nunatsinni tamarmi oqarasuaatit angallattakkat attaveqanngitsut

 

Nukissiorfik Facebookimi ullaaq arfineq marluk missaani ima allappoq 

- Utoqqarmiut Kangerluarsunnguanit erngup nukinganik innaallagissamik Nuummut pilersuivik pingaaruteqartoq anorersuarnerani ajoqusersimagunartoq Nukissiorfik Facebookimi nittartakkamini taama allappoq.

Nuummi Nuussuarmi Qinngorpumili innaallagiaqaqqilernissaanik Nukissiorfiit suliaqartoq innaallagissaamik pilersuivik Facebookimi nittartakkamini taama allappoq.

Ippassaq unnukkut aqqarngup missaanili innaallagiaaruppoq.

Utoqqarmiut Kangerlussunnguanut erngup nukinganik innaallagissamik pilersuivimut atttaveqaatip anorersuarneratigut ajoqusersimanissaa naatsorsuutigineqarpoq.

Maanna ajutoortoqarnerani innaallagissamik pilersuisoq atorneqarpoq illoqarfiullu ilaannaa innaallagissamik pilersorneqarluni.

Ajutoornermi innaalligassiorfiup aallartinniarneqarnera naatsorsuutigisamik sivisunerusimavoq, taamaattumillu illoqarfik tamakkerluni innaallagissamik pilersorneqarnera nalunaaquttap akunneri arlaqartut qaangipupata aatsaat pisinnaassasoq, Nukissiorfik Facebookimi nittartakkamini taama allappoq.

Aamma Nuummi Qatserisartoqarfik attavigineqarsinnaanngilaq. Qatserisartulli biilinik Nuummi, Nuussuarmi Qinngorpumilu ingerlaarput.

Taakkualu attaveqarfiginiaraanni aalateriffigineqarsinnaapput.

 

Nutarterumarpoq. 

 

 



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl