Nunatsinni sulilluni ajutoornerit amerlasuut
Nunatsinni sulilluni ajutoornerit 487-it ukioq kingulleq nalunaarutigineqarsimapput. Danmarkimilu 19.329-isumallutik. Nunatsinni ajutoornerit Danmarkimimi ajutoornernut sanilliutisagaanni annertoorujussuupput.Inuttussutsimummi naatsorsussagaanni Nunatsinni ajutoornerit Danmarkimut sanilliutissagaanni marloriaatingajammik annertunerupput.
Allattoq Peter Troelsen, Salome Hansen
juunip 26-at 2012 10:20
Sulilluni ajutoornerit qanoq pisimaneri isiginiassagaanni tallikkut assakkullu ajutoornerit amerlanersaapput.Taamatullu ajutoornerit aalisarnermi suliffinnilu allani attuumassuteqartuni pisimapput. Pilluttoorluni ikiligaallunilu ajutoornerit 40 %-iupput, tamannalu Danamarkimut sanilliutissagaanni aamma annertuneruvoq.
Suliffeqarfinnili napparsimalertarnerit isiginiassagaanni Nunatsinni Danmarkimilu naligiilluinnarput. Tamatumani anersaartorniarnermi ammikkullu napparsimalersarnerit annertuumik atugaallutik. Sulilluni taama napparsimalertarnerit ukiuni kingullerni marlunni annertusimapput.
Nunatsinni sulilluni ajutoornerit pillugit annertunerusmik atuarit:
http://cfa.gl/Nyheder/Nyhedsarkiv/2012/~/~/media/709C0D4A2C024A36B8D2569...
