Nunatsinni suliffeqarfimmut isumaqatigiissut annertooq nutaaq

North American Nickel Inc. Canadamiut ingerlatseqatigiifferaat niueqatigiittarfimmi børsimi ilaasoq, Maniitsup kujataani ukiut sisamat kingulliit nikkelimik ujaarlerlutik qillerinikuupput. Ukioq mannalu nikkelimik ujaarlerlutik qillereqqissapput.

Xploration Services Greenlandip North American Nickelimut isumaqatigiissutaat makkuninnga imaqarpoq, assartuinerit, inunnut 40-niit 50-nut amerlassusilinnut ineqarfissamik pilersitsineq ingerlatsinerlu. Suliaq 2012-mi inunnut 15-inoortumiit ukiut sisamat ingerlanerini pingasoriaammik amerlilluni ineriartorsimavoq.

Xploration Services Greenland ineqarfimmi ingerlatsisuussaaq, nerisassaqartitsineq eqqiaanerlu isumagissallugit, 2016-milu nutaajusumik napparsimaveeraqarneq isumagissallugu.

- Nuannaarutigaarput tulluusimaarutigalugulu North American Nickelip ukioq manna sullissisutut pingaarnertut toqqaqqissimammatigut. Xploration Services Greenland Kalaallit Nunaanni suliffeqarfittut nunatsinneernerusunik sulisoqarpoq suliassallu ingerlanerani 20-t tungaanut sulisoqassalluni, Martin Sandy Shalmi, Xploration Services Greenland A/S-imi pisortaaneq oqarpoq.