Pinngortitaleriffimmit ilisimatusartup, Aili Lage Labansenip nunatsinni appaat pillugit ilisimatuutut allaatigisani ullumi illersorpaa.Assi: Else Løvstrøm

Nunatsinni Ph.d-limmik pisuunnguallaqqittugut

Nunarput ph.d-limmik pisuunnguallaqqippoq. Pinngortitaleriffimmit ilisimatusartup, Aili Lage Labansenip nunatsinni appaat pillugit ilisimatuutut allaatigisani ullumi illersorpaa.

Pinngortitaleriffiup piginnaanngorsaalluni pilersaarutaanut atatillugu Aili Lage Labansen ilisimatusarnermi ilinniarfigaa, taannalu danskit naalagaaffiata issittumi ilisimatusarnissamut aningaasaliineratigut aningaasaliifigineqarluni. Aili Lage Labansen ilisimatuut Pinngortitaleriffimmut atassuteqartumik Ph.d-nngorsimasut 21-raat.

AAMMA ATUARUK Naalakkersuisut sætter fokus på sårbar lomvie på Trækfuglenes Dag    

Ilisimatuutut allaatigisaq: 'Makin´ some noise – A study of anthropoge-nic threats to thick-billed murre (appa, Uria lomvia) in Greenland' nunatsinni appat piaqqisarfiini pissutsinut taakkulu appaqassutsimut pingaaruteqarnerannut tunngavoq.

- Pinngortitaleriffimmut ulloq pingaaruteqaqaaq, neriuutigaaralu Aili Lage Labansenip maligassiuinermini Kalaallit Nunaanni inuusuttut amerlanerit pinngortitamut tunngasutigut ilisimatusarnermut tunngasunik ilinniagaqarnissaannut kajuminnerulersissagai, Pinngortitaleriffiup pisortaa, Klaus Nygaard oqarpoq

Aili Lage Labansen Aarhus Universitetiani ilinniartutut allassimavoq, illersuineralu pissutsit nalinginnaanerani tassani pisussaagaluarluni, covid-19-millu tuniluuttoqarnera pissutigalugu illersuinera nunatsinni Pinngortitaleriffimmi Pikialaarfimmi pivoq.

Aili Lage Labansen Ph.d-mik allaatigisani tigummillugu. Assi: Else Løvstrøm



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl