Nunatsinni peqqinnissaqarfimmut millioninik aningaasaliineq pitsanngorsaataassasoq

Peqqinnissaqarfimmi atortorissaarutinik pitsaanerusunik, immikkut ilisimasalinnit katsorsarneqarnissamut aamma tarnikkut napparsimasunut inissaqartitsinerunissamut ilaatigut qulakkeerinissamut aningaasaliisoqarnerulerpoq.

Allattoq Ann-Sophie Greve Møller

maajip 07-at 2026 13:44

Nutserisoq Connie Fontain

Illunut atortorissaarutinullu 60 millionit koruunit

Nunatsinni tamarmi nappaatinik assiliilluni suussusersiinissamut atortorissaarutit kingoraarserneqarnissaannut 15 millionit koruunit immikkoortinneqarput. Tamanna peqqinnissaqarfiup nappaatinik pitsaanerusumik pilertornerusumillu suussusersiueriaaseqalernissaanut qulakkeerinnissutaassaaq.
Dronning Ingridip Napparsimmavissuani ukiuni arlalinni nutarterneqarnerata iluarsartuunneqarneratalu ilaatut 35 millionit koruunit immikkoortinneqarput.
Napparsimasut, qanigisaasut piffissamilu sivikitsumi suliartortut inissaqartitaagallarnissaata pisariaqaraluttuinnarnera eqqarsaatigalugu napparsimmavinni assigiissaartumik inissaqartitsinissamut 10 millionit koruunit immikkoortinneqarput.
Nunatsinni portørit aalaakkaasumik tutsuiginartumillu imminnut attaveqaqatigiinnissaannik qulakkeerinissaq pillugu radionik digitaliusunik nutaanik pisiortortoqassaaq.

Allisiguk

Peqqinnissaqarfiup illuutaanik atortorissaarutaanillu nutarternerineq, immikkut ilisimasalinnik katsorsaaneq nunatsinnilu peqqinnissaqarfimmi sullissinerup pitsaanerusup neqeroorutigineqarneq.

Nunatsinni peqqinnissaqarfimmi pitsannguutit tamakku ilaatigut qilanaartuutigineqarsinnaapput.

Nunatta Danmarkillu peqqissutsimut tunngatillugu isumaqatigiissutaata ilaanni Danmarkip suliassaqarfimmut 185 millionit koruuninik immikkoortitsinissaa februaarimi isumaqatigiissutigaat.

Isumaqatigiissut peqqinnissaqarfimmut aningaasanik nutaanik maanna immikkoortitsiffiusoq, naalakkersuisut tusagassiuutinut nalunaarummi paasissutissiipput.

- Peqqissutsimut tunngatillugu isumaqatigiissutip immikkoortuanik taallugu isumaqatigiissummi aningaasaliissutit Peqqinnissaqarfiup aningaasaqarniarnerata patajaallisarnissaanut siunissarlu ungasinnerusoq eqqarsaatigalugu ineriartortinneqarnissaanut qulakkeerinninnissamut atoriaannanngoratsigit nuannaarutigaara, Peqqissutsimut inunnullu Innarluutilinnut Naalakkersuisoq Anna Wangenheim (D) tusagassiuutinut nalunaarummi oqarpoq.

Taassuma aningaasaliissutit nunatsinni innuttaasunut tamanut iluaqutaassasut erseqqissaatigaa.

- Aningaasaliissutit taakku nunatsinni innuttaasunut tamanut iluaqutaasussamik ullutsinnut naleqquttunik pitsaalluinnartunillu Peqqinnissaqarfimmi atortorissaarutissanik atortussanillu pisiortornissamut peqqinnissakkullu sullissinikkut naammassisaqarnerunissamut periarfissaqalersitsipput, taanna oqarpoq.

Peqqinnissaqarfimmi atortorissaarutit nutaat pitsaanerusullu

Peqqinnissamik suliassaqarfinni assigiinngitsuni tallimani pitsanngorsaasoqassaaq, ilaatigut katsorsaanerup misissuinerullu pitsanngorsarneqarnissaat, peqqinnissaqarfiup illutaanik nutarterineq sanaartortitsinerlu aamma peqqinnissaqarfiup ineriartorneranik nalinginnaasumik tapersiineq.

Illuutinut atortorissaarutinullu katillugit 60 millionit koruunit 2026-mi immikkoortinneqarput. Atortorissaarutit nutaaliaanerulernissaat aamma napparsimasut isumannaatsuunerulernissaat anguniagaavoq.

Illunut atortorissaarutinullu 60 millionit koruunit

Nunatsinni tamarmi nappaatinik assiliilluni suussusersiinissamut atortorissaarutit kingoraarserneqarnissaannut 15 millionit koruunit immikkoortinneqarput. Tamanna peqqinnissaqarfiup nappaatinik pitsaanerusumik pilertornerusumillu suussusersiueriaaseqalernissaanut qulakkeerinnissutaassaaq.
Dronning Ingridip Napparsimmavissuani ukiuni arlalinni nutarterneqarnerata iluarsartuunneqarneratalu ilaatut 35 millionit koruunit immikkoortinneqarput.
Napparsimasut, qanigisaasut piffissamilu sivikitsumi suliartortut inissaqartitaagallarnissaata pisariaqaraluttuinnarnera eqqarsaatigalugu napparsimmavinni assigiissaartumik inissaqartitsinissamut 10 millionit koruunit immikkoortinneqarput.
Nunatsinni portørit aalaakkaasumik tutsuiginartumillu imminnut attaveqaqatigiinnissaannik qulakkeerinissaq pillugu radionik digitaliusunik nutaanik pisiortortoqassaaq.

Allisiguk

Tamatuma saniatigut peqqinnissaqarfimmi aningaasartuuteqarnerulerneq matussuserniarlugu 60 millionit koruunit immikkoortinneqarput.

Tusagassiuutinut nalunaarut naapertorlugu saniatigut aningaasartuutit paarlaasartunik aningaasartuuteqarneruleriartornermik, nakorsaatinut aningaasartuuteqarnerunermik sulisussarsiornerullu ilungersunarneranik ilaatigut pissuteqarpoq.

Tamatuma saniatigut immikkut ilisimasalinnit katsorsartinnissamut periarfissat pitsaanerulersinneqarnissaannut, tarnikkut napparsimasunut amerlanerusunik inissaqartitsitsinissamut aamma utaqqisutut allattorsimasut ikilisarnissaannut 37 millionit koruunit immikkoortinneqarput.

Tamanna nunatsinni Danmarkimilu peqqinnissakkut sullissinissamut neqeroorutinut naligiinnerulersitsissaaq.

Aamma atuarukNunami kalaallinut peqqissartunut aningaasartuutit Danmarkip akilertalissagai

Peqqissutsimut tunngatillugu 2026-mi nutaamik annerusumik isumaqatiginninniarnissanut 20 millionit koruunit sillimmatitut immikkoortinneqarput.

Tamatuma saniatigut danskinik nakorsanik peqqinnissaqarfimmilu sulisunik paarlattaasunik atuinissap pisariinnerulersinneqarnissaanut aamma nunatsinni peqqinnissaqarfimmi sulisut patajaannerulernissaannik qulakkeerinissamut immikkoortitsisoqarpoq.

Isumaqatigiissut aningaasallu 2026-mut ukioq ikaarsaariarfittut isigineqartumut taamaallaat tunngapput. Aningaasanilli agguataarineq peqqinnissaqarfiup piffissaq ungasinnerusoq eqqarsaatigalugu ineriartortinneqarnissaanut pilersaarusiorneqartoq tusagassiuutinut nalunaarummi allassimavoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.