Kalaalllit Nunaanni inuit ukioq manna juulip aallaqqaataani katillutik 56.367-iupput.Assi: Namminersorlutik Oqartussat Tusagassiiviat

Nunatsinni najugaqartut amerlisimasut

Nunatsinni najugallit siorna juulimi najugalinnut sanilliullugit 150-ingajannik amerleriarsimapput.

Kalaallit Nunaanni ukioq manna innuttaasut amerlassusaat siorna piffissap taamaalineranut naleqqiullugu amerlanerupput.

Kalaallit Nunaanni Naatsorsueqqissaartarfiup kisitsisaataasa tamanna takutippaa.

Kalaalllit Nunaanni inuit ukioq manna juulip aallaqqaataani katillutik 56.367-iupput, siorna piffissap taamaalineranut naleqqiullugu 142-nik amerlanerullutik.

Taamaattoq innuttaasut Kalaallit Nunaanni inunngorsimasut ikiliartungaatsiartut aamma takuneqarsinnaavoq. Ukiummi marluk kingulliit ingerlaneranni 900-nik ikinnerulersimapput.

AAMMA ATUARUK Nunatsinni innuttaasut amerleriartut

- Akerlianik innuttaasut Kalaallit Nunaata avataani inunngorsimasut amerlanerulersimapput. 2019-imilu qaammatini siullerni marluinnarni 200-nik amerlanerulersimallutik. Tamatuma kingorna Kalaallit Nunaannut aamma Kalaalllit Nunaannit nuuttartut amerlaqatigiinnangajapput, Kalaallit Nunaanni Naatsorsueqqissaartarfik taama allaaserisaqarpoq.

Kommuneqarfik Sermersuumi, Kommune Kujallermi Avannaatalu Kommuniani najugallit siorna piffissap taamaalineranut sanilliullugu ukioq manna amerlanerupput, Qeqqata Kommuniani Kommune Qeqertalimmilu ikinnerulersimallutik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat