Nunatsinni Issittoq pillugu periusissiaq unitsikkallarneqartoq

Nunarput, Danmark Savalimmillu Issittoq pillugu ukiunut qulinut periusissiuliornissaat 2021-nngortinnagu neriuutigineqaqqaaraluarpoq.

Nunanut allanut tunngasunut naalakkersuisuusimavoq, Steen Lynge KNR-imut siorna taama oqarpoq.

AAMMA ATUARUK Naalagaaffeqatigiit Issittoq pillugu ukiunut qulinut periusissialiartik saqqummiutingajaleraat

Suliarli Covid-19 peqqutaalluni kinguaattoorpoq, ukioq mannalui ilanngullugu suliarineqarluni.

Nunatsinnili qinersinissaq februaarip qiteqqunnerani aalajangiunneqarmat naalagaaffeqatigiit Issittoq pillugu periusissiornissaat aamma kinguartinneqaqqippoq.

Juuni nallertsinnagu piariissaaq

Inatsisartunut qinersisoqarnera peqqutigalugu, Naalakkersuisullu naalakkersuisuugallartunngormata, suliat unitsikkallarneqarput.

Nunanut allanut ministeriaqarfimmii allaffik, issittumut amerikallu avannarpasissunut tunngasunik, sulialik KNR-imut mailikut taama paasissutissiivoq.

Periusissiaq 2011-miit 2020-p tungaanut atuuttoq Issittoq sakkulersorfiunngitsoq, suleqatigiilluarneq Issittumilu pinngortitaq mianeralugu atajuaannartussamik ineriartortitsinissaq anguniarlugu suliarineqartarpoq.

Taamaammallu Naalakkersuisussat nutaat inisseriarpata suliaq aatsaat aallarteqqinneqassaaq.

Periusissiassaq nunanit taakkuninnga pingasunit juunimi saqqummiunneqarnissaa, allaffiup, issittumut amerikallu avannarpasissuanut tunngasumik suliaqartup, naatsorsuutigaa.